ޕީއެންސީ/ޕީޕީއެމަށް ތާއީދު ބޮޑު ހިޔާ ސަރަހައްދުގައި ޑޯ ޓު ޑޯ ހިންގެވުމަށް މެޑަމް ފަޒުނާ އެސަރަހައްދަށް ވަޑައިގެންނެވީ މިއަދު ހަވީރުއެވެ. ފަޒުނާ އެސަރަހައްދަށް ވަޑައިގެންނެވުމުން ފަޒުނާއަށް ފުރައްސާރަކޮށް ހަޑިހުތުރު ބަހުން މުހާތަބުކޮށް އަޑުގަދަކޮށް ހަދާފައިވެއެވެ.
ފަޒުނާ ހިޔާ ފުލެޓުތައް ހުންނަ ސަރަހައްދަށް ވަޑައިގެންނެވުމުން މުޒާހަރާކޮށް އަޑުގަދަކޮށް ހަދާފައިވާ އިރު 2018 ވަނަ އަހަރު ރިޔާސީ އިންތިހާބުގެ ކެމްޕޭނަށް ރައީސް އިބްރާހީމު މުހައްމަދު ސޯލިހު ވަޑައިގެންނެވުމުން ވެސް ޕީޕީއެމަށް ނިސްބަތްވާ ފަރާތްތަކުން މުޒާހަރާކޮށް ކެމްޕޭނަށް ހުރަސް އަޅާފައިވެއެވެ.
ރިޔާސީ އިންތިހާބުގެ ފުރަތަމަ ބުރުގައި ވެސް އިންތިހާބުގެ ކަންތައްތައް ކައިރިން ބައްލަވަމުން ގެންދެވި ފަޒުނާ ގެންދަވަނީ ދެވަނަ ބުރުގައި ކެމްޕޭނުގައި ވަރަށް ބޮޑަށް އަމަލީ ގޮތުން ބައިވެރިވެވަޑައިގަންނަވަމުންނެވެ.
