އަލީ ވަހީދު ޖުމްހޫރީ ޕާޓީން ވަކިވުމަށްފަހު ވަނީ އެކަން އެމަނިކުފާނުގެ އެކްސް ގަައި ޕޯސްޓުވެސް ކޮށްފަ އެވެ.
އަލީ ވަހީދުގެ ޕޯސްޓުގައި ވިދާޅުވެފައި ވަނީ ޖޭޕީން ވަކިވި ކަމުގައިވި ނަމަވެސް ގައުމާއި ރައްޔިތުންގެ ހިދުމަތުގައި ދެމިހުންނަވާނެ ކަމަށާއި، ގާސިމްގެ އަރިހުގައި މަސައްކަތް ކުރައްވަން ލިބިވަޑައިގެންނެވި ފުރުސަތަކީ ވަރަށް އަގުހުރި ތަޖުރިބާއެއް ކަމަށެވެ.
އަލީ ވަހީދު އިސްކޮށް ޖޭޕީގެ ކެމްޕެއިން އެޖެންޓު ކަމުގަެ މަގާމުގައި ހުންނަވައި މިފަހަރުގެ ރިޔާސީ އިންތިހާބުގައި ގާސިމް އިބްރާހިމް އަށް ކޮށްދެއްވި މަސައްކަތުން ލިބިފައި ވަނީ 5460 ވޯޓެވެ. އެއީ އިންތިހާބުގައި ވާދަ ކުރެއްވި އުމަރު ނަސީރަށް ވުރެވެސް ދަށްކޮށެވެ.
ޖުމްހޫރީ ޕާޓީގެ ސްލޮޓެއްގައި ޓުއަރިޒަމް މިނިސްޓަރަކަށް އަލީ ވަހީދު ހުންނެވިއިރު އެ މިނިސްޓްރީގެ އަންހެން މުވައްޒަފުންތަކަކަށް ޖިންސީ ގޯނާކުރި ކަމުގެ ތުހުމަތުގައި ރައީސް އިބްރާހިމް މުހައްމަދު ސޯލިހު ވަނީ އޭނާ މަގާމުން ވަކިކޮށްފަ އެވެ.
އެ ތުހުމަތުގައި އޭނާގެ މައްޗަށް ދައުވާކޮށް ޝަރީއަތް ހިނގަމުން ދަނިކޮށް ބޭސްފަރުވާއަށް ރާއްޖޭން ބޭރަށް ވަޑައިގަތް ގޮތަށް، އެނބުރި ރާއްޖެ ވަޑައިގަތީ ދައުވާތައް އަނބުރާ ގެންދިޔަ ފަހުންނެވެ. އިނގިރޭސިވިލާތުގައި އޭނާ ހުންނަވަނިކޮށް ވިސާ އާނުކޮށް އެ ތަނުގައި އުޅުމުން އެ ގައުމުގެ ޖަލަށް ވެސް އޭނާ ލި އެވެ.
