ފިނޭންސް މިނިސްޓަރު މިއަދު މި ހަބަރު ދޮގު ކުރެއްވީ ފިނޭންސް މިނިސްޓަރު އިބްރާހީމް އަމީރާއި އިންޑިއާއިން ދިވެހިރާއްޖެއަށް ކަނޑައަޅާފައި ހުންނަވާ ސަފީރު މުނޫ މަހާވަރަން ބައްދަލުކުރައްވާފައިވާއިރު، މި ބައްދަލުވުމުގައި އެބޭފުޅުން މައިގަނޑު ގޮތެއްގައި މަޝްވަރާކުރީ ރިޔާސީ އިންތިހާބުގެ ދެވަނަ ބުރުގެ ވޯޓުލުމުގެ ކުރިން އިންޑިއާއިން ދަރަންޏަށް 3 ބިލިއަން ރުފިޔާ ނެގުމާ ގުޅޭ ގޮތުންކަމަށްބުނެ "ދިޔަރެސް ނޫހުގަ" ލިޔެފައިވާ ހަބަރަކާ ގުޅިގެންނެވެ.
މި ފައިސާ ނެގުމަށް ސަރުކާރުން ހުށަހަޅާފައިވަނީ ޓްރެޝަރީ ބޮންޑު ސްޓޭޓް ބޭންކް އޮފް އިންޑިއާ (އެސްބީއައި) އަށް ވިއްކައިގެންކަމަށް ވެސް އެ ނޫހުގަ ވަނީ ބުނެފައެވެ. އެގޮތުން 194 މިލިއަން އެމެރިކާ ޑޮލަރުގެ ބޮންޑު އެސްބީއައި މެދުވެރިކޮށް ހަމަޖައްސައިދިނުމަށް ސަރުކާރުން އެދިފައިވަނީ ރިޔާސީ އިންތިހާބުގެ ދެ ވަނަ ބުރުގެ ވޯޓުލުމުގެ ކުރިން ހަރަދުކުރުމަށް ކަމުގައި "ދިޔަރެސް" ނޫހުގަ ބުނެފައިވެެއެވެ.
