މާވެޔޮމަގުގައި މިރޭ ބޭއްވި ކެމްޕޭން އެއްވުމެއްގައި ވާހަކަފުޅު ދައްކަވަމުން ރައީސް ސޯލިހު ވިދާޅުވީ ކުރިއަށް އޮތްތަނުގައި މިހާރު ދެމުން ގެންދާ 5000 ރުފިޔާއިން 7000 ރުފިޔާއަށް ބަދަލު ކުރަން ނިންމާފައިވާ ކަމަށެވެ.
ރައީސް ސޯލިހުވަނީ ސަރުކާރުން އިތުރު ބައެއް ޕޮލިސީތަކަށް ގެންނަވަން ނިންމަވާފައިވާ ބަދަލުތައް ވެސް މިރޭ އިއުލާން ކުރައްވާފައެވެ.
ރައީސް ސޯލިހުވަނީ އުމުރުން ދުވަސްވީ މީހުންގެ އެލަވަންސް 5000 ރުފިޔާއިން 7000 ރުފިޔާއަށް ބޮޑު ކުރުމުގެ އިތުރުން ސަރުކާރު ވަޒީފާތަކުން މުސްކުޅި ކުރާ އުމުރު 70 އަހަރަށް މަތި ކުރަން ނިންމާފައިވާ ކަން ވެސް އިއުލާން ކުރައްވާފައެވެ.
އުމުރުން ދުވަސްވީ މީހުންގެ އެލަވަންސް 7000 ރުފިޔާއަށް ބަދަލު ކުރަން ނިންމާފައިވާ އިރު އުމުރުން ދުވަސްވީ މީހުންގެ އެލަވަންސަށް ހެޔޮ ބަދަލެއް ގެނެސްދެއްވާނެކަން ރައީސް ސޯލިހުވަނީ ރިޔާސީ އިންތިހާބުގެ ކެމްޕޭނުގެ ކުރިން ވެސް އިއުލާން ކުރައްވާފައެވެ.
އުމުރުން ދުވަސްވީ މީހުންނަށް ފުރަތަމަ އެލަވަންސް ދޭން ފަށާފައިވަނީ 2009 ވަނަ އަހަރު އޭރު އޮތް އެމްޑީޕީގެ ސަރުކާރުންނެވެ. ނަމަވެސް ފަހުން 2300 ރުފިޔާއަށް އެ އަދަދުވަނީ ބޮޑުކޮށްފައެވެ. މިހާރު ދެމުން ގެންދާ ގޮތަށް 5000 ރުފިޔާއަށް ބަދަލުކޮށްފައިވަނީ ރައީސް އަބްދުﷲ ޔާމީންގެ ސަރުކާރުގައެވެ.
