ބ. ކަމަދޫގައި ވާހަކަ ދައްކަވަމުން ޑރ. މުއިއްޒު ވިދާޅުވީ، ނުކުޅެދުންތެރިކަން ހުންނަ ކުދިންނާއި، އެކުދިންގެ އާއިލާއަށް ޕީޕީއެމްގެ ކުރީގެ ސަރުކާރުގައި ޚާއްޞަ އިސްކަމެއް ދެއްވިކަމަށެވެ. އެގޮތުން ނުކުޅެދުންތެރިކަން ހުންނަ ކުދިންންނަށް ގިނަވަޒީފާތަކެއް ދެއްވިކަން ފާހަގަކުރައްވަމުން މުޢިއްޒު ވަނީ އެފަދަ ކުދިންނަށް މިހާރު ވަޒީފާގެ ފުރުސަތު މިސަރުކާރުން ނުދެއްވާކަމަށް ވިދާޅުވެފައެވެ. ނަމަވެސް އެމަނިކުފާނުގެ ވެރިކަމެއްގައި އެފަދަ ކުދިންނަށް ވަޒީފާ ދެއްވާނެކަމަށް މުއިއްޒު ވިދާޅުވިއެވެ.
އިތުރަށް މުއިއްޒު ވިދާޅުވީ، ޑަޔަލިސިސް ހަދަން ޖެހޭ ގިނަ ބަޔަކު ރާއްޖޭގައި އުޅޭ ކަމަށާއި އެ ފަދަ ގިނަ މީހުންނަށް ކޮންމެ ފަހަރަކު މާލެއަށް ދާން ޖެހުމުން ތަކުލީފަކަށް ވާ ކަމަށެވެ. އެހެންވެ، އޭނާގެ ވެރިކަމެއްގައި ކޮންމެ އަތޮޅެއްގެ މައި ހޮސްޕިޓަލުގައި އެ ހިދުމަތް ދެވޭނެކަމަށް ވައުދުވެވަޑައިގެންނެވިއެވެ.
ނަފްސާނީ މައްސަލަތައް ހައްލުކޮށް، ނަފްސާނީ ދުޅެހެޔޮކަން ގާއިމުކުރުމަށް ޓަކައި ނަފްސާނީ ދުޅަހެޔޮކަމާ ބެހޭ ގާނޫނެއް ވެސް މަޖިލީހުގެ އެހީތެރިކަމާއެކު އެކުލަވައިލައްވާނެކަމަށާއި ނަފްސާނީ މައްސަލަތަކަށް ފަރުވާދިނުމަށް އިންޓަރނޭޝަނަލް ހޮސްޕިޓަލެއް ލ. ގަމުގައި އަޅުއްވާނެކަމަށްވެސް ޕީއެންސީގެ ރިޔާސީ ކެންޑިޑޭޓް ޑރ. މުއިއްޒު ވިދާޅުވިއެވެ.
