ބީޗް ވޮލީ އިވެންޓެއްގެ ތެރެއިން
އޭޝިއަން ގޭމްސް: ބީޗް ވޮލީ ޓީމަށް ނާކާމިޔާބު
ސްޕޯޓްސް ޓީމް
22 ސެޕްޓެމްބަރ 2023 - 20:45:55
އޭޝިއަން ގޭމްސްގެ ބީޗް ވޮލީބޯޅަ އިވެންޓުގައި ކުޅުނު ދެ މެޗުންވެސް ބަލިވެ ދިވެހި ގައުމީ ޓީމުގައި ހިމެނޭ އިސްމާޢީލް ސާޖިދު (ކުޑަކާއްޓޭ) އާއި އާދަމް ނަސީމް (އެޑަމް) ގެ ޕެއާ ކަޓައިފިއެވެ.
Advertisement
އޭޝިއަން ގޭމްސް ކުރިއަށްދަނީ ޗައިނާގެ ހަންގްޖޯގައެވެ. މިއީ 19 ވަނަ އޭޝިއަން ގޭމްސްއެވެ. މުބާރާތުގައި ކުޅުނު ފުރަތަމަ މެޗުގައި ޗައިނާގެ ޕެއާ އަތުން އެޑަމް އާއި ކުޑަކާއްޓޭގެ ޕެއާ ބަލިވީ ސީދާ ދެ ސެޓުންނެވެ. މި މެޗުގެ ސެޓުތައް ދިޔައީ 21-11 އަދި 21-12 އިންނެވެ.
ދެވަނަ މެޗުގައި އެޑަމް އާއި ކުޑަކާއްޓޭގެ ޕެއާ ވާދަކުރީ ފިލިޕީންސްގެ ޕެއާއާއެވެ. މި މެޗުންވެސް އެޑަމް އާއި ކުޑަކާއްޓޭގެ ޕެއާ ބަލިވީ ސީދާ ދެ ސެޓުންނެވެ. މި މެޗުގެ ސެޓުތައްވެސް ދިޔައީ 21-11 އަދި 21-12 އިންނެވެ.
އޭޝިއަން ގޭމްސްގެ ބައެއް ކުޅިވަރުތައް ފެށިގެން ކުރިއަށްދާއިރު، ގޭމްސް ރަސްމީކޮށް ފެށުމަށް ހަމަޖެހިފައިވަނީ މާދަމާއެވެ. އަންނަ އޮކްޓޯބަރު މަހުގެ އަށްވަނަ ދުވަހުގެ ނިޔަލަށް ގޭމްސް ކުރިއަށްދާއިރު، މި ފަހަރު ރާއްޖޭން ނުވަ ކުޅިވަރެއްގައި ވާދަކުރާނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
