އިންތިހާބީ ރައީސްގެ މީޑިއާ ޓީމުން މިއަދު ވިދާޅުވީ، 3:00 ގައި ދެ ބޭފުޅުން ރައީސް އޮފީހުގައި ބައްދަލުކުރައްވަން ނިންމަވާފައިވާ ކަމަށެވެ. 

އިއްޔެ ބޭއްވި ރިޔާސީ އިންތިހާބު ޑރ. މުއިއްޒު ކާމިޔާބު ކުރެއްވީ ވޯޓުލީ އާބާދީގެ 54 ޕަސެންޓް ހޯއްދަވައިގެނެވެ. ރައީސް ސޯލިހަށް ލިބިވަޑައިގަތީ 46 ޕަސެންޓެވެ. ސެޕްޓެމްބަރު 9، ގައި ބޭއްވި އެ އިންތިހާބުގެ ފުރަތަމަ ބުރު ވެސް ކާމިޔާބު ކުރެއްވީ ޑރ. މުއިއްޒެވެ.

އިންތިހާބު ކާމިޔާބު ކުރެއްވުމަށްފަހު މުއިއްޒު ވަނީ ރޭ ގައުމާ މުހާތަބު ކުރައްވައި ވާހަކަ ދައްކަވައިފަ އެވެ. ރޭ ވާހަކަ ދައްކަވަމުން މުއިއްޒު ވަނީ ހުރިހާ ރައްޔިތުންނަށް ހަމަހަމަކަމާއެކު ހުރިހާ ރައްޔިތުންނާމެދު ވެސް އަމަލު ކުރައްވާނެކަމުގެ ޔަގީންކަން ދެއްވައިފަ އެވެ.

"ކޮންމެ ޕާޓީއެއްގައި ހުއްޓަސް އަޅުގަނޑުގެ ކުރިމަތީގައި އެއީ ދިވެހި ލޮބުވެތި ރައްޔިތެއް. އެއްވަރަކަށް ހައްގު ލިބިގެންވަނީ. އެއްވަރަކަށް ހުރިހާ ކަމެއްގައި ވެސް ހަމަހަމަކަން ލިބިގެންވޭ،" މުއިއްޒު ވިދާޅުވި އެވެ.

އިތުރު ތަފްސީލް އަންނަނީ…