ރައްޔިތުންގެ މަޖިލީހުގަ އެމްޑީޕީން މިއަދު ބޭއްވި ނޫސްވެރިންގެ ބައްދަލުވުމުގަ އަސްލަމް ވިދާޅުވީ، އިތުބާރުގެ ނެތްކަމުގެ މައްސަލައާ ގުޅޭގޮތުން ރައީސް ނަޝީދު ވާހަކަ ދެއްކެވުމަކީ އުސޫލުތަކާ ހިލާފު ކަމެއްކމަށެވެ.
ރައީސް ނަޝީދު ރޭ މަޖިލީހުގެ ވަޓްސް އެޕް ގުރޫޕަށް ފޮނުއްވި މެސެޖެއްގަ ވިދާޅުވީ، ކޮންމެ ދަރުއެއްގަވެސް ހުށަހެޅޭނީ އިތުބާރު ނެތްކަމުގެ އެއް މަސަލަ ކަމަށެވެ. އަދި އެމަނިކުފާނުގެ އިތުބާރު ނެތްކަމުގެ މައްސަލަ ކުރިން ހުށަހެޅުމަށްފަހު ގެންދެވުމުން މިއަދުރުގަ އިތުބާރު ނެތްކަމުގެ މައްސަލަ ހުށަހަޅަން ލިބުނު ފުރުސަތު ވަނީ ގެއްލިފައެވެ.
ރައިތުންގެ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތްކަމަށް ފާސްކުރަން 48 މެންބަރުންގެ ސޮޔާއެކު މަޖިލީހަށް އެމްޑީޕީން މިއަދު މަޖިލީހަށް ވަނީ ވައްދާފައެވެ.
އެ މައްސަލައިގަ ބުނެފައިވަނީ ރައީސް ނަޝީދު މައްސަލަތައް އެޖެންޑާ ކުރައްވަނީ އަމިއްލަ މަސްލަހަތައް ބައްލަވައިގެންކަމަށެވެ.
މިގޮތުން މަޖިލީހުގެ ޖަލްސާތައް އެތައް ދުވަހެއް ވަންދެން ހުއްޓާލާފައި އޮތުމަށްފަހު، އެމަނިކުފާނުގެ ޕާޓީގެ މަސްލަހަތު އޮންނަ ކަމެއް އެޖެންޑާކުރިކަމަށް ވެސް އެ މައްސަލައިގަ ބުނެފައިވެއެވެ.
މި މައްސަލަ މަޖިލީހުގެ އިދާރާއިން ވަނީ މިއަދު ހެނދުނު ބަލައިގަނެފައެވެ.
ނަމަވެސް މިއަދު މަޖިލީހުގެ ކޯރަމް ހަމަނުވެގެން ހުއްޓާލުމުން އެ މައްސަލަ ތަޅުމަށް ގެނެސްފައެއް ނުވެއެވެ.
