މ. ދިމްޔާތުގައި މިއަދު ނޫސްވެރިންނާ ވާހަކަ ދައްކަވަމުން ފިރުޒުލް ވިދާޅުވީ ލިޔެކިއުންތަކަށް ބަދަލު ގެނައުން ފަދަކަންކަން ނުކުރަން އިދާރާތަކަށް އިލްތިމާސްކުރައްވާކަމަށެވެ.
އޭނާ ވިދާޅުވީ އިންތިގާލީ މަރުހަލާގެ ރޫހާ ހިލާފު ކަންކަން ހިނގަމުން އަންނަކަންކަމުގެ މައުލޫމާތު ލިބިލައްވަމުން އަންނަކަމަށެވެ.
ދައުލަތު ބަޖެޓް އެކުލަވާލުމުގައި އިންތިހާބީ ރައީސް ޑރ. މުހައްމަދު މުއިއްޒުގެ ފަރާތްޕުޅުން މަސައްކަތް ކުރާނެ ކޮމިޓީއެއް އުފައްދައި، މަސައްކަތް ފަށައިފިކަމަށް އިންތިގާލީ މަރުހަލާގެ ތަރުޖަމާނު މިއަދު ވިދާޅުވިއެވެ.
މިއަދު ބޭއްވެވި ނޫސްވެރިންގެ ބައްދަލުވުމުގަ އެކަން ހާމަކުރެއްވި ނަމަވެސް، އަދި ކޮމިޓީގައި ތިއްބަވާ ބޭފުޅުންގެ މައުލޫމާތު އަދި ހާމައެއް ނުކުރެ އެވެ.
ފިރުޒުލް ވިދާޅުވީ އަންނަ 2024 ވަނަ އަހަރުގެ ބަޖެޓު ހުށަހެޅުމަށް، ފިނޭންސް މިނިސްޓްރީން އެއްބާރުލުން ލިބެމުން އަންނަކަމަށެވެ.
މީގެ އިތުރުން ފިރުޒުލް ވިދާޅުވީ އެއްވެސް އިދާރާއަލަށް އަދި އިންތިގާލީ ޓީމުތަކުން ޒިޔާރަތް ނުކުރާކަމަށެވެ. ނަމަވެސް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުން ފެށިގެން ހިރިހާ ބޭފުޅުން ވެސް އެއްބާރުލުން ލިބެމުން އަންނަކަމަށެވެ.
އެތަންތަނަށް ޒިޔާރަތް ކުރުމުން އެތަންތަނުގެ ހާލަތު އެނގިގެން ދާނެކަމަށެވެ.
