މަރަދޫ-ފޭދޫ: ކަރަންޓު ކެނޑުނުތާ ދެ ގަޑިއިރަށްފަހު އައްޑޫގެ ރަށްތަކަށް ވަނީ ކަރަންޓު ދީފައި
ކަރަންޓު ކެނޑުނުތާ ދެ ގަޑިއިރަށްފަހު އައްޑޫގެ ރަށްތަކަށް ކަރަންޓު ދީފި
މުހައްމަދު އަތީފް
11 އޮކްޓޯބަރ 2023 - 14:47:03
އައްޑޫ ސިޓީގެ ގުޅިފައިވާ ހުރިހާ ރަށްތަކުން ކަރަންޓު ކެނޑެން މެދުވެރިވި ސަބަބު ހައްލުކޮށް، ފެނަކަ ކޯޕަރޭޝަން ލިމިޓެޑް (ފެނަކަ) އިން ކަރަންޓު ދީފިއެވެ.
Advertisement
އައްޑޫ ސިޓީގެ ގުޅިފައިވާ ރަށްތަކުން ކަރަންޓް ކެނޑެން މެދުވެރިވި ސަބަބު ހައްލުކޮށް ކަރަންޓްދީފިއެވެ.
ކަރަންޓު ކެނޑުނު ރަށްތަކަށް ކަރަންޓުގެ ހިދުމަތް ލިބިފައިވަނީ އެ ހިދުމަތް މެދުކެނޑުނުތާ ދެ ގަޑިއިރު ފަހުންނެވެ.
އައްޑޫގެ ގުޅިފައިވާ ހުރިހާ ރަށަކުން ކަރަންޓު ކެނޑިފައިވަނީ މިއަދު މެންދުރު 11:45 ހާއިރެވެ. އެގޮތުން ހިތަދޫ، މަރަދޫ މަރަދޫ-ފޭދޫގެ އިތުރުން ފޭދޫން ކަރަންޓު ކެނޑުނެވެ.
ކަރަންޓު ކެނޑެން މެދުވެރިވި ސަބަބެއް ކަމަށް ފެނަކައިން ބުނެފައިވަނީ ކަރަންޓު ކެނޑިފައިވަނީ ދިމާވި ޓެކްނިކަލް މައްސަލައަކާ ގުޅިގެން ކަރަންޓް ފޯރުކޮށްދޭ މައި ސްޓޭޝަނުން ކަމަށެވެ.
މިފަހުން އައްޑޫން މިގޮތަށް ކަރަންޓު ކެނޑޭ މިންވަރު މަދެވެ. ފެނަކައިން އަންނަނީ އައްޑޫގެ ގުޅިފައިވާ ރަށްތަކުގެ ކަރަންޓު އަޕްގްރޭޑް ކުރުމުގެ މަސައްކަތް ކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
