މި މަހުގެ ހަތް ވަނަ ދުވަހުން ފެށިގެން ހަމާސްގެ މުޖާހިދުންނާއި އިޒްރޭލް ސިފައިންނާ ދެމެދު ކުރަމުންދާ ހަނގުރާމައިގައި 2،200 އަށް ވުރެ ގިނަ މީހުން ޝަހީދުވެ، 8،700 އަށް ވުރެ ގިނަ މީހުންނަށް ވަނީ ޒަހަމްވެފައެވެ. އިޒްރޭލުގެ ހަމަލާތަކުގައި އެތައް ބައެއްގެ ގެދޮރު ވަނީ ނެތި ގޮސްފައެވެ.
އިޒްރޭލާ މެދު ދަތިކުރުމުގެ ފިޔަވަޅު އެޅުމަށް ގޮވާލާ ވިލިނގިލީ ދާއިރާގެ މެންބަރު ސައުދު ހުސައިން މަޖިލީހަށް ފޮނުއްވި ގަރާރުގައި ވަނީ އިޒްރޭލުގެ ރައްޔިތުން ރާއްޖެއަށް އެތެރެވުން މަނާ ކުރުމާއި އިޒްރޭލުގައި އުފައްދާ އަދި އެ ގައުމުން އެކްސްޕޯޓްކުރާ ހުރިހާ ބާވަތެއް އެތެރެކުރުން މަނާ ކުރުމުގެ އިތުރުން އިޒްރޭލާއި ރާއްޖެ އާ ދެމެދު އެއްވެސް ގުޅުމެއް އުފެދިފައިވާ ނަމަ އެފަދަ އެންމެހާ ގުޅުންތަކެއް ވަގުތުން މެދުކަނޑާލުމަށެވެ.
އިޒްރޭލުން ހިފަމުންގެންދާ ފަލަސްތީނުގެ ހުރިހާ ބިންތަކަކުން އެ މީހުން ފައިބައި، މެދުއިރުމަތީގައި ސުލްހަ ގާއިމު ކުރެވެން ދެން އެ ފިޔަވަޅުތައް ދެމެހެއްޓުމަށް ސައުދުގެ ގަރާރުގައި ވަނީ ގޮވާލާފައެވެ.
ދިވެހީން ތިބީ ފަލަސްތީނާ އެކުގައި ހާމަކޮށް، ދިވެހި ރައްޔިތުންގެ ހިތްތަކުގައި ފަލަސްތީނު ރައްޔިތުންނަށް އޮތް ލޯބި ހާމަކުރުމުގެ ގޮތުން އިއްޔެ މުޅި ރާއްޖޭގައި ހިނގާލުމެއް ވަނީ ބާއްވާފައެވެ.
