އެ ޕާޓީގެ މަގާމުތަކަށް ކުރިމަތިލުމުގެ ފުރުސަތު ހުޅުވާލާފަ ވަނީ އެއް މަސް ދުވަހުގެ މުއްދަތަށެވެ. އެއީ މިއަދުން ފެށިގެން އަންނަ ނޮވެންބަރު މަހުގެ 15 ވަނަ ދުވަހާއި ހަމައަށެވެ.
އެ މުއްދަތުގެ ތެރޭގަ ޕާޓީއަށް ވަންނަ މީހުންނަށްވެސް ކުރިމަތިލުމުގެ ފުރުސަތު އޮންނާނެކަމަށް އެ ޕާޓީން ކުރި އިއުލާނުގަ ވަނީ ބުނެފައެވެ.
މަގާމުތަކަށް ހުށަހަޅާއިރު 20 ޑިމޮކްރެޓުންގެ ތާއީދު ފޯމުވެސް ހުށަހަޅަންޖެހެއެވެ.
ފޯމު ހުށަހެޅުމުގައި އެއްވެސް ހުރަހެއް ކުރިމަތިވެއްޖެނަމަ [email protected] އަށް އީމެއިލްއަކުން އެކަން ބަޔާންކޮށް އެންގުމަށް އެ ޕާޓީން އެދިފައިވެއެވެ.
މީގެ އިތުރުން އެ ޕާޓީން ބުނީ، ސައްހަ ފޯމު ހުށަހަޅާ ތަރުތީބުން ކެނޑިޑޭޓުން ތަރުތީބުކުރަމުން ކެނޑިޑޭޓް ނަމްބަރު ދެމުން ކެނޑިޑޭޓް ލިސްޓް އާއްމުކުރަމުން ގެންދެވޭނެ ކަމަށެވެ.
އެ ޕާޓީގެ މަގާމުފުރާތަކުގެ އިންތިހާބުގެ ވޯޓް ލުން ބޭއްވުމަށް ހަމަޖެހިފައިވަނީ ޑިސެމްބަރު ދެ ވަނަ ދުވަހުއެވެ.
