ސަަރުކާރުތަކުން އިންތިހާބުތަކަށް ނުފޫޒުފޯރުވުން ހުއްޓައިލަން ގޮވާލައި މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ހުށަަހެޅުއްވި ގަރާރުގެ ބަހުސް އެމްޑީޕީގެ ޕީޖީ ގްރޫޕްގެ ލީޑަރު އަސްލަމް ވިދާޅުވީ ސަރުކާރުގެ ކުންފުނިތައް ހަރުދަނާ ކުރަން ޖެހޭނެ ކަމަށް އޭނާވެސް ދެކެވަޑައިގަންނަވާ ކަމަށެވެ.
ހަމަ އެހެންމެ ކޮންމެ ސަރުކާރެއް ބަދަލުވާއިރު އެ ސަރުކާރެއްގެ ކުންފުނިތަކުގައި މަސައްކަތް ކުރާ މުވައްޒަފުން ބަދަލުވާން ނުޖެހޭ ކަމަށް ވެސް އޭނާ ވިދާޅުވިއެވެ. އަދި ސަރުކާރު ކުންފުނިތައް ހިންގަން ތިބެން ޖެހޭނީ ކުންފުނި ހިންގޭ ވަރުގެ ގާބިލު މީހުން ކަމަށް އަސްލަމް ވިދާޅުވި އެވެ.
އަސްލަމް ވިދާޅުވީ ކޮންމެ ސަރުކާރަކާ އެކު ކުންފުނިތަކުގެ ހިންގުން ބަދަލު ނުވާނީ، އެ ތަންތަނުގައި ތިބޭ މީހުންނަކީ ފެންވަރާއި ގާބިލުކަމަށް ބަލައިގެން، އައްޔަންކުރާ ރަނގަޅު މީހުން ކަމަށް ހަދައިގެން ކަމަށެވެ.
ކޮންމެ ފަސް އަހަރަކުން ބަަދަލުވާ ސަރުކާރާ އެކު، މިނިވަން މުއައްސަސާތަކުގައި ތިބޭ މެމްބަރުން ހިމެނޭހެން ބަދަލުވާން ޖެހޭ ނަމަ، ހަރުދަނާ ގޮތެއްގައި ގައުމު ހިންގާނީ ކިހިނެއްތޯ މިދިޔަ ރިޔާސީ އިންތިހާބުގައި ރައީސް އިބްރާހިމް މުހައްމަދު ސޯލިހްގެ ރަނިން މޭޓެއްގެ ގޮތުގައި ހުންނެވި އަސްލަމް މިއަދު ސުވާލު ކުރެއްވި އެވެ.
