ސްޓެލްކޯއިން ބުނިގޮތުގައި އިޒްރޭލުގެ ހައްދުފަހަނައެޅި އަސްކަރިއްޔާއިން ދެމުންގެންދާ ހަމަލާތަކުގައި ހާލުގައި ޖެހިފައިވާ ފަލަސްތީނުގެ ރައްޔިތުންނަށް އެހީވުމަށްޓަކައި، އެ ކުންފުނީގެ ސީއެސްއާރުގެ ދަށުން 500،000 (ފަސްލައްކަ ރުފިޔާ) ފަލަސްތީނާއެކު ފަންޑަށް ހަދިޔާކޮށްފައިވަނީ މިއަދު އެ ކުންފުނީގެ ބޯޑު ރޯމްގައި ބޭއްވި ރަސްމިއްޔާތެއްގައި ކަމަށެވެ.
ސްޓެލްކޯގެ ފަރާތުން މި ފައިސާގެ އެހީގެ ޗެކް އައިއޭސީ އާ ހަވާލުކޮށްދެއްވީ އެ ކުންފުނީގެ މެނޭޖިން ޑިރެކްޓަރު އަހުމަދު ޝަރީފެވެ. އައިއޭސީގެ ފަރާތުން ޗެކާ ހަވާލުވެލެއްވީ އެ ޖަމިއްޔާގެ ޗެއާމަން އަހުމަދު އިގްބާލެވެ.
އަހަރުމެން ފަލަސްތީނާއެކު ފަންޑަށް ސްޓެލްކޯއިން ބައި މިލިއަން ރުފިޔާ ހަދިޔާކުރުން - ފޮޓޯ:ސްޓެލްކޯ
ފަލަސްތީނުގެ ރައްޔިތުންނަށް އެހީވުމަށް އައިއޭސީގެ ފަރާތުން ކުރިއަށް ގެންދާ ފަންޑު ހޯދުމުގެ ހަރަކާތްތަކަށް އެހީތެރިވެދިނުމުގެ ގޮތުން އެ ކުންފުނީގެ ހެޑް އޮފީހުގެ ލޮބީ ސަރަހައްދުގައިވެސް ފަންޑު ފޮއްޓެއް ބެހެއްޓިފައިވާ ކަމަށް ސްޓެލްކޯއިން ބުނެއެވެ.
