ފަލަސްތީން
ރާއްޖެއިން ފަލަސްތީނަށް 2 މިލިއަން މަސްދަޅު ހަދިޔާ ކުރަނީ
ނަސްރުﷲ މުހައްމަދު ރަޝީދު
24 އޮކްޓޯބަރ 2023 - 21:40:07
ރާއްޖެއިން ފަލަސްތީނަށް ދެ މިލިއަން މަސްދަޅު ހަދިޔާކުރަން ރައީސް ސޯލިހް ނިންމަވައިފި އެވެ.
Advertisement
ރާއްޖެއިން މަސްދަޅު ހަދިޔާކުރާކަން އިއުލާނުކުރެއްވީ ފޮރިން މިނިސްޓަރު އަބްދުﷲ ޝާހިދު އެވެ.
ޝާހިދު ވިދާޅުވީ ފަލަސްތީނުގެ އެހީގެ ބޭނުންޖެހިފައި ތިބި އަހުންނާއި އުހުތުންނަށް ރައީސް އިބްރާޙީމް މުހައްމަދު ސޯލިހް ދެ މިލިއަން މަސްދަޅު ހަދިޔާ ކުރައްވަން ނިންމާފައިވާ ކަމަށެވެ.
މިއީ ދިވެހިން ތިބީ ފަލަސްތީނުގެ ރައްޔިތުންނާއެކުކަން ދައްކުވައިދޭ ރަމްޒެއްކަމަށް ޝާހިދު ވިދާޅުވި އެވެ.
"ފަލަސްޠީނުގެ ރައްޔިތުން އެބައިމީހުންގެ ވަކި ދައުލަތެއް އުފެއްދުމަށާއި އެބައިމީހުންގެ ޙައްޤުތައް ކަށަވަރުކުރުމަށްޓަކައި ކުރަމުންގެންދާ މަސައްކަތްތަކުގައި އެއްވެސް ޝަރުތަކާނުލައި ތާއީދުކުރުންމަތީ ދިވެހި ސަރުކާރާއި ދިވެހި ރައްޔިތުން ތިބިކަން މި ފުރުޞަތުގައި ތަކުރާރުކުރަން." ޝާހިދު ވިދާޅުވި އެވެ.
ފަލަސްތީނުގައި ސުލްހަ މަސްލަހް ގާއިމްކުރަން ކުރައްވާ މަސައްކަތުގައި ދިވެހިން އަބަދުވެސް ތިބޭނެކަމަށް ޝާހިދު ވިދާޅުވި އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
