ކުރީގެ ޕީޖީ މުހުތާޒް މުހުސިން--
ބޭނުންވިއަސް ދައުލަތް ހުއްޓައެެއް ނުލެވޭނެ: މުހުތާޒު
ގުފްތަގް އަޖީރު
26 އޮކްޓޯބަރ 2023 - 12:48:27
ސިޔާސީ ގޮތުން ބަޔަކު ބޭނުބްވިއަސް ދައުލަތް ހުއްޓާނުލެވޭނެކަމަށް ކުރީގެ ޕްރޮސެކިއުޓާޖެނެރަލް މުހުތާޒ މުހުސިން ވިދާޅުވެއްޖެއެވެ.
Advertisement
މުހުތާޒް މިހެން ވިދާޅުވީރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް ކަމުގެ މައްސަލަ ނުނިންމައި އިންތިހާބީ ރައީސް ޑރ. މުހައްމަދު މުއިއްޒު ކުރައްވާ ވެރިކަމުގެ ހުވާ ގަބޫލުނު ނުކުރާނެ ކަމަށް އެމްޑީޕީގެ ޕާލިމެންޓަރީ ގުރޫޕުން ރޭ ބުނެފައިވަނިކޮށެވެ.
"ސިޔާސީ ވަކި ބަޔަކު ބޭނުންވާ ވަކިކަމެއް ނުކުރެވުނެއްކަމަކު މިދައުލަތް ހުއްޓުވައެއް ނުލެވޭނެ. އެމަގުން އެކަން ހިންގުމަށް ފުރުސަތެއްވެސް ނުދެވޭނެ. އަޅުގަނޑުމެންނަކީ ސިޔާސީގޮތުން ތަސައްރަފް ފުދިފައިވާ ބަޔަކަށް ވާން އެބަޖެހޭ.،" މުހުތާޒު މިއަދު ވިދާޅުވިއެވެ.
އެމްޑީޕީ ޕާލިމެންޓްރީ ގުރޫޕުން ބުދަ ދުވަހު ބޭއްވި ބައްދަލުވުމެއްގައި އެ ގުރޫޕްގެ ލީޑަރު މުހައްމަދު އަސްލަމް ވިދާޅުވީ ނަޝީދުގެ މައްސަލަ ނުނިމި އޮއްވައި އިންތިހާބީ ރައީސް ކުރައްވާ ހުވާ ގަބޫލުނުކުރައްވާނެކަމަށާއި އަދި އާ ސަރުކާރުގެ ކެބިނެޓަށްވެސް ރުހުން ނުދޭނެކަމަށެވެ.
އަންނަ މަހުގެ 17 ވަނަ ދުވަހާ ހަމައަށް ނަޝީދުގެ އިތުބާރުނެތް މައްސަލަ ނުނިންމައި ރިޔާސަތުން ނިންމާ އެއްވެސް ނިންމުމެއް އެމްޑީޕީއިން ބަލައިނުގަންނާނެކަމަށް އަސްލަމް ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
