އިޒްރޭލުގަ ހާއްސަ ހުއްދައަކާއެކު ހަތިޔާރު ގެންގުޅުމަކީ ހުއްދަކަމެކެވެ.
މިމަހުގެ ހަތް ވަނަ ދުވަހު އިޒްރޭލަށް ދިން ކުއްލި އުދުވާނީ ހަމަލާގަ އެ ގައުމުގެ 1200 އަށްވުރެ ގިނަ މީހުން ހަމާސް އިން ވަނީ މަރާލާފައެވެ.
މިހަމަލާގަ ހަމާސް އިން ވަނީ އިޒްރޭލުގެ އާންމު ދިރިއުޅޭ ގޭތަކަށް ވަދެ އެމީހުން ކިޑްނެޕްކޮށް، މަރާ ހަދާފައެވެ.
މިހާ ގިނައަދަދެއްގެ ބަޔަކު އިޒްރޭލުން ހަތިޔާރު ގެންގުޅުމުގެ ހުއްދައަށް އެދުނީ ހަމާސްގެ ނުރައްކާ އިތުރުވާތީކަމަށް އިޒްރޭލު އޮފިޝަލުންނާ ހަވާލާދީ އަލްޖަޒީރާއިން ވަނި ބުނެފައެވެ.
ހަމާސްގެ ކުއްލިހަމަލާއަށްފަހު އިޒްރޭލުން ރައްދުގައި ދިން ހަމަލާތަކުގަ ގައްޒާއިން މަރުވި މީހުންގެ އަދަދު ވަނީ 4000 އަށް އަރަން ގާތްވެފައެވެ.
އޮކްޓޫބަރު 7 ވަނަ ދުވަހުގެ ހަމަލާއަށްފަހު ހަމާސްއަށް ރައްދުގައި މާ ވަރުގަދަ ހަމަލާތަކެއް އިޒްރޭލަށް ނުދެވެއެވެ. އޭގެ ބަދަލުގައި އިޒްރޭލުން ދެމުން އަންނަ ހަމަލާތަކުގަ ގައްޒާގެ އެތައް ކުޑަކުދިންނަކާ އާންމު ރައްޔިތުންނެއް އަންނަނީ މަރުވަމުންނެވެ.
