އިޒްރޭލު ސިފައިން ހޮނިހިރު ދުވަހު ގައްޒާއަށް އެރުމުގެ ކުރުން ބައެއް ސަރަހައްދުތަކުގެ ކަރަންޓު ކަނޑާލިއެވެ. ފޯނުގެ ހިދުމަތް މެދުކެނޑުނީ ކަރަންޓު ކަނޑާލުމުންކަމަށް ގިނަބަޔަކު ގަބޫލުކުރެއެވެ.
މީގެ އިތުރުން އިސްރާއީލުން ހަމާސްއާ ދެކޮޅަށް ކުރާ ހަނގުރާމައިގެ އާ މަރުހަލާއަކަށް ހޮނިހިރު ދުވަހު ވަދެފައިވާއިރު، ބޮޑުވަޒީރު ބެންޖަމިން ނަތަންޔާހޫ ވަނީ ގައްޒާއަށް ސިފައިން ފޮނުވައި، ބިމާއި ވައިގެ މަގުން އަދި ކަނޑުން ހަމަލާތައް ވަރުގަދަކޮށް، ހަނގުރާމައިގެ "ދެވަނަ މަރުހަލާ" ހުޅުވާލާފައިވާ ކަމަށް ވިދާޅުވެފައެވެ.
މި ހަމަނުޖެހުންތަކަކީ އޭނާގެ ގައުމު ދެމިއޮތުމަށް ކުރާ މަސައްކަތެއް ކަމަށް ސިފަކުރައްވައި، އެ ސަރަހައްދަށް ފުޅާދާއިރާއެއްގައި ބިމުން އަރައިގަތުމުގެ ކުރިން ހަމަލާ އިތުރަށް ގޯސްވާނެ ކަމަށް އިންޒާރު ނަތަންޔާހޫ ވަނީ ދެއްވާފައެވެ.
ހޮނިހިރު ދުވަހު ޓެލް އަވީވްގައި ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން ނަތަންޔާހޫ ވަނީ އިސްރާއީލުގެ ރައްޔިތުންނަށް "ދިގު އަދި ބުރަ" ކެމްޕޭނަކަށް ތައްޔާރުވުމަށް އިންޒާރު ދެއްވާފައެވެ.
މީގެ އިތުރުން ގައްޒާގައި ހުންނަ ހަމާސްގެ އެންމެ އިސް ލީޑަރު ޔެހިޔޭ ސިންވާރު ވަނީ އިސްރާއީލުގެ ރަހީނުކޮށްފައިވާ މީހުން އިސްރާއީލުގެ ޖަލުތަކުގައި ބަންދުކޮށްފައިވާ ފަލަސްތީނުގެ ގައިދީންނާ ބަދަލު ކުރަން ތައްޔާރަށް ތިބި ކަމަށް ފަލަސްތީނުގެ ހަނގުރާމަވެރި ޖަމާއަތްތަކުން ތައްޔާރަށް ތިބި ކަމަށް ވިދާޅުވެފައެވެ.
ނަމަވެސް އިސްރާއީލުގެ އަސްކަރިއްޔާއިން ވަނީ ރަހީނުކޮށްފައިވާ މީހުން ދޫކޮށްލުމަށް އެކި ޗެނަލްތަކުން ހަރަކާތްތެރިވާ ކަމަށް ބުނެ، އެމީހުން ދޫކޮށްލުމުގެ ބަދަލުގައި ހަމާސްއިން ހުށަހަޅާފައިވާ ހަނގުރާމަ ހުއްޓާލުމުގެ އެއްބަސްވުމެއް ވެސް ބާތިލްކޮށްފައިވާކަމަށް ބުނެފައެވެ.
