ދާދި ފަހުން ދިން އިންޓަވިއުއެއްގައި އެކްޓަރު ވަނީ ކަރީނާ ކަޕޫރު ހާން އާއި ޕްރިޔަންކާ ޗޯޕްރާގެ މިކްސް އެއް އެކުލެވޭ އަންހެނަކު ހޯދަމުން އަންނަ ކަމަށް ބުނެފައެވެ.
"އަހަރެން ބޭނުންވާނީ އަހަރެންގެ އައިޑިއަލް ގާލް ކަރީނާ ކަޕޫރު ޚާން އާއި ޕްރިޔަންކާ ޗޯޕްރާ ފަދަ މީހަކަށް ވާން،" ކާރްތިކް ބުންޏެވެ.
"ކަރީނާ އަކީ ރީތި އަދި އިތުބާރު ހުރި މީހެއް ނަމަވެސް ޕްރިޔަންކާ އަކީ ވިސްނުންތޫނު އަދި ބުރަ މަސައްކަތެއް ކުރާ މީހެއް. އަހަރެން ވަރަށް އުފާވާނެ މި ދެމީހުންގެ ވެސް ސިފަތައް ހުރި މީހަކު ހޯދިއްޖެއްޔާ،"
އޭނާގެ ކެރިއަރަށް ސަޕޯޓް ކުރާ އަންހެނަކު ހޯދަމުން އަންނަ ކަމަށް ވެސް ކާރްތިކް ބުނެފައިވެއެވެ.
"އަހަރެންގެ ބައިވެރިޔާއަކީ އަހަރެންގެ ކެރިއަރުގައި ސަޕޯޓް ކުރަން ތައްޔާރަށް ހުރި މީހަކަށް ވުމަކީ އަހަންނަށް މުހިންމު ކަމެއް،"
ކާރްތިކް އާރިޔަން އަކީ މިވަގުތު ބޮލީވުޑްގެ އެންމެ ބިޒީ އެއް އެކްޓަރެވެ. ކުރިއަށް އޮތް ދެ ތިން އަހަރަށް ބޮޑެތި ބަޖެޓްގެ ގިނަ ފިލްމުތަކެއް ލައިންކޮށްފައި އެބަހުއްޓެވެ. އޭނާގެ ބިޒީ ޝެޑިއުލްގެ ތެރޭގައި ލޯތްބަށް ވަގުތު ހޯދޭތޯ ބަލާލުން ޝައުގުވެރިވާނެއެވެ.
