ޝާހު ވަނީ އެނާގެ 58 ވަނަ އުފަން ދުވަސް ފާހަގަކުރުމަށް މަންނަތުގައި އޭނާ ފޭނުންނާ ބައްދަލުކުރުމަށް ހާއްސަކޮށްފައިވާ ޕްލެޓްފޯމް އަށް އަރާ ފޭނުންނަށް ޓާޓަކިޔައި ހަދައިފައެވެ. 

ޝާހުރުކް ހާންގެ އުފަން ދުވަހަކީ ނޮވެމްބަރު 2 ކެވެ.  

ޝާހު ވަނީ އޭނާގެ ކޮންމެ އުފަންދުވަހެއްގައިވެސް އޭނާ މަންނަތުން ފޭނުންނާ ބައްދަލުކުރާނެކަމަށް ވައުދުވެފައެވެ. 

އިންޑިއާގެ މުމްބާއީގައި ހުންނަ އޭނާގެ ބަންގުލޯ ކައިރިއަށް ގިނަ އަދަދެއްގެ ސަޕޯޓަރުން އެއްވެފައިވާއިރު، އެމީހުން ކޮންޓްރޯލް ކުރުމަށް ފުލުހުންނަށްވެސް ނުކުންނަށް ޖެހުނެވެ. 

ޝާހު އެންމެ ފަހުން ނެރުނު ފިލްމަކީ ޖަވާންއެވެ. ޖަވާން ވެސް ވަނީ އިންޑިއާ އަދި މުޅި ދުނިޔޭގައިވެސް ސުޕަހިޓް ފިލްމަކަށް ވެފައެވެ. 

ޖަވާންގެ ބޮކްސް އޮފީސް ކަލެކްޝަން ވަނީ މުޅު ދުނިޔެއިން 140 މިލިއަން ޑޮލަރަށް އަރާފައެވެ.