ކެޓްރީނާ ކައިފް...
ކެޓްރީނާގެ ޑީޕް ފޭކް ފޮޓޯތަކެއް ދައުރުކުރަން ފަށައިފި
އައިޝަތު ނޫރާ
08 ނޮވެންބަރ 2023 - 07:52:52
ރަޝްމީކާ މަންދާނާގެ ޑީޕްކްފޭކް ވީޑިއޯއަކުން ފިލްމީ އިންޑަސްޓްރީއަށް ބޮޑު ސިހުމެއް ގެނުވިތާ މާގިނަ ދުވަހެއް ނުވަނީސް ކެޓްރީނާ ކައިފްގެ ކުރިއަށް އޮތް ފިލްމު 'ޓައިގާ 3' އިން ޑިޖިޓަލްކޮށް ބަދަލުކޮށްފައިވާ ނުވަތަ ޑީޕްފޭކް ތަސްވީރެއް އޮންލައިންކޮށް ދައުރުކުރަން ފަށައިފިއެވެ.
އަސްލު ފޮޓޯއިން ފެންނަނީ ބޮލީވުޑް ތަރި ތުވާލި އަޅައިގެން ހޮލީވުޑްގެ ސްޓަންޓް ވުމެންއަކާ ކުރިމަތިލާތަނެވެ.
ނަމަވެސް މިހާރު ވައިރަލްވެފައިވާ އެޑިޓް ވާޝަންގައި ކެޓްރީނާ ފެނިގެން ދިޔައީ ތުވާލިގެ ބަދަލުގައި ލޯ ކަޓް ހުދު ޓޮޕަކާއި މެޗިން ބޮޓޮމް އެއް ލައިގެން ހުރިތަނެވެ.
މި ވީޑިއޯ އާއި ތަސްވީރުތަކަކީ މީހުން މޫނު ބަދަލުކުރުމުގެ ގާބިލްކަން ހުންނަ އޭއައި ޓޫލެއް ބޭނުންކޮށްގެން އުފައްދާ ތަސްވީރުތަކެކެވެ.
ސޯޝަލް މީޑިއާގައި ކެޓްރީނާ ކައިފްގެ ޑީޕްފޭކް ތަސްވީރަށް ބައެއް މީހުން ވަނީ ވަރަށް ބޮޑަށް ރިއެކްޓްކޮށްފަ އެވެ.
"ޓައިގާ 3 އިން ކެޓްރީނާ ކައިފްގެ ތުވާލި މަންޒަރު މޯފް ވެގެން ދަނީ. ޑީޕްފޭކް ޕިކްޗާ އިން ސަމާލުކަން ހޯދަމުންދާއިރު އެއީ ހަގީގަތުގައި ވެސް ލަދުވެތި ކަމެއް. އޭއައި އަކީ މޮޅު ވަސީލަތެއް ނަމަވެސް އަންހެނުން މޯފް ކުރުމަށް ބޭނުން ކުރުމަކީ ސީދާ ޖިނާއީ ކުށެއް. ނަފްރަތު އުފެދޭ ކަމެއް،" މި ވީޑިއޯތަކާ ގުޅޭގޮތުން ނުރުހުން ފާޅުކުރި މީހަކު ބުނެފައިވެއެވެ.
މި މައްސަލައިގައި އިންޑިއާގައި ގިނަބަޔަކު އަންނަނީ ނުރުހުން ފާޅުކޮށް، މިފަދަ ފޮޓޯއާއި ވީޑިއޯ އުފައްދާ މީހުންނާ މެދު ގާނޫނީ ފިޔަވަޅު އެޅުމަށް ގޮވައިލަމުންނެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
