ޖޭމްސް މެޑިސަން
އަނިޔާވެ މެޑިސަން ދެމަހެއްހާ ދުވަހަށް ކުޅުމާ ދުރަށް
ސްޕޯޓްސް ޓީމް
10 ނޮވެންބަރ 2023 - 20:12:11
ޖޭމްސް މެޑިސަންގެ ފައިގެ ކަކުލަށް ލިބުނު އަނިޔާއަކާ ގުޅިގެން ޖެނުއަރީ މަހުގެ ނިޔަލަށް ކުޅެން ނުކުޅެވޭނެ ކަމަށް ޓޮޓެންހަމްގެ ކޯޗު ކަށަވަރުކޮށްދީފިއެވެ.
Advertisement
ޖޭމްސް މެޑިސަންއަށް އަނިޔާވީ ޕްރިމިއާ ލީގުގައި ޗެލްސީ އަތުން 4-1 އިން ޓޮޓެންހަމް ބަލިވި ހަލަބޮލި މެޗުގަ އެވެ.
އަނިޔާގެ ސަބަބުން ޖަނަވަރީގެ ނިޔަލަށް ނުކުޅެވޭނެކަން ކަށަވަރުވުމުން، އުމުރުން 26 އަހަރުގެ މިޑްފީލްޑަރު ވަނީ ނޮވެމްބަރު މަހު އޮންނަ ޔޫރޯ 2024 ކޮލިފައިންގައި އިނގިރޭސި ސްކޮޑުން ވަކިވެފައެވެ.
މެޑިސަންއަށް ގައުމީ ޓީމުގެ މެޗުތަކުގެ ތެރެއިން އަނިޔާގެ ސަބަބުން އެއްމެ ފުރަތަމަ ގެއްލޭނީ، ނޮވެމްބަރު މަހުގެ 17 ވާ ހުކުރު ދުވަހު ވެމްބްލީގައި މޯލްޓާއާ ދެކޮޅަށް ކުޅޭ މެޗުގެ އިތުރުން އޭގެ ތިން ދުވަސް ފަހުން ނޯތު މެސެޑޯނިއާ ދެކޮޅަށް ކުޅޭ މެޗެވެ.
މެޑިސަން ވަނީ އިންގްލެންޑަށް ފަސް މެޗު ކުޅެފައެވެ. އޮކްޓޯބަރު މަހު އިޓަލީ އަތުން 3-1 އިން މޮޅުވި މެޗުގައި އޭނާ އިނީ ބެންޗުގައެވެ. އެއީ ޔޫރޯ 2024 ގެ ކޮލިފައިން އިގިރޭސިންނަށް ކަށަވަރުވި މެޗެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
