ޖުމްހޫރީގެ ދުވަހުގެ މުނާސަބަތުގައި ދައުލަތުގެ މީޑިއާއިން ގެނެސްދިން ދިވެހީންގެރާއްޖެ ޕްރޮގްރާމުގައި ވާހަކަދައްކަވަމުން މުއިއްޒު ވިދާޅުވީ ރިޔާސީ ކެމްޕެއިން ފެށުނީއްސުރެ މިއަދާ ހަމައަށް އައިއިރުވެސް ދައްކަވާފައި ހުންނާނީ އެއް ވާހަކަފުޅެއް ކަމަށެވެ. އެމަނިކުފާނު ދައްކަވާ ވާހަކަފުޅުތަކާ މެދު ގޮތް ނިންމުމަކީ އިންތިހާބުކުރި ރައްޔިތުންގެ އަތްމަތީގައި އޮތް ކަމެއް ކަމަށް މުއިއްޒު ވިދާޅުވި އެވެ.

މުއިއްޒު ވިދާޅުވެފައި ވަނީ އެމަނިކުފާނު ނިކުންނަވަނީ ރައްޔިތުންނަށް ހިދުމަތް ކުރުމަށް ކަމަށެވެ. ކެމްޕެއިނުގެ ތެރޭގައި ސަރުކާރާ ގުޅޭގޮތުން ގިނަ ވާހަކަތަކެއް ދައްކަވާފައިވާނެކަން ފާހަގަކުރައްވާ މުއިއްޒު ވިދާޅުވި ގޮތުގައި އޭގެ ތެރެއިން އެއް ވާހަކައަކީ އެމަނިކުފާނުގެ ސަރުކާރުގެ މަތިފަޑީގައި ތިބޭނީ އެމަނިކުފާނަށް ފަހުބަސް ވިދާޅުވެވޭ ބޭފުޅުން ކަމުގަ އެވެ.

މުއިއްޒު ވިދާޅުވީ މަގާމުތައް ހަވާލުކުރައްވާނީ ރައްޔިތުންނަށްޓަކައި ވީ ވައުދުތައް ރަނުންރަނަށް ފުރިހަމަ "ކޮމިޓްމަންޓް" އާ އެކީގައި ރެޔާއި ދުވާލު ހޭލާ ހުރެގެން މަސައްކަތް ކުރަން ޖެހުނު ނަމަވެސް، ކުރެވޭވަރުގެ ބޭފުޅުންނާ ކަމަށެވެ.

އިތުރު ތަފްސީލު އަންނަނީ...