މިގޮތުން ސުހާނާ ވަނީ މީގެ އެއް ހަރަދު ދުވަހުގެ ކުރީގެ ފޮޓޯއެއް ރިޕޯސްޓުކޮށް އެނާގެ ބޭބެއަށް އުފަންދުވަހުގެ ތަހުނިޔާ އިންސްޓަގްރާމުގައި ކިޔައިފައެވެ.
އެ ފޮޓޯއިން ފެންނަނީ ސުހާނާއާއި އާރިޔަން ކުއްތާއެއް ގޮވައިގެން ސޯފާގައި ތިބޭތަނެވެ.
ގިނަބަޔަކު އަންނަނީ ސުހާނާ އާންމުކުރި ފޮޓޯއަށް ތައުރީފުކޮށް، އެއީ ކޮއްކޮއަކާއި ބޭބެއްގެ މިސާލެއްކަމަށް ބުނަމުންނެވެ.
އާރިޔަން އާއި ސުހާނާއަކީ ބޮލީވުޑްގެ 'ރަސްގެފާނު' ޝާހުރުކް ހާންގެ ދެ ދަރިންނެވެ.
ސުހާނާ މަސައްކަތްކުރަމުން އަންނަނީ މަޝްހޫރު ކޮމިކް ސީރީޒްގެ އިންޑިއާގެ އެޑެޕްޓޭޝަނެއް ކަމަށްވާ ޒޯޔާ އަޚްތަރުގެ "ދަ އާޗީސް" ގައިއެވެ. މި ފިލްމުގައި ޚުޝީ ކަޕޫރާއި، އަގަސްތާ ނަންދާ، މިހިރު އަހޫޖާ، ޔޫއްޕެ މެންޑާ، ޑޮޓް، އަދި ވެޑަންގް ރައިނާ ވެސް ފެނިގެންދާނެ އެވެ. އަންނަ ޑިސެމްބަރު މަހުގެ 7 ވަނަ ދުވަހު ފިލްމު ރިލީޒް ކުރާނެއެވެ. މިއީ ސުހާނާގެ ފިރަަތަމަ ފިލްމެވެ.
އާރިޔަން ބުނަމުން އަންނަނީ އެނާ އެކްޓުކުރަން ބޭނުންނުވާކަމަށާއި އަބަދުވެސް ފިލްމު އުފެއްދުމާއި ވިޔަފާރިވެރިކަމަށް ލޯބިކުރާކަމަށެވެ. އޭނާ ވަނީ ދަ އިންކްރެޑިބަލްސް އަށް އަދި ދަ ލަޔަން ކިންގް ގައި ސިމްބާގެ ރޯލުން ވެސް އޭނާގެ އަޑު އަޅާފައެވެ. ރިޕޯޓްތައް ބުނާ ގޮތުން އޭނާ މިހާރު މަސައްކަތް ކުރަމުންދަނީ "ސްޓާޑަމް" ގެ ނަމުގައި އޯޓީޓީ ސީރީޒެއް އުފެއްދުމަށެވެ.
