Imran ge thaureefu CP Hameedhah

ހަބަރު / އިޖުތިމާއީ

ސީޕީ ހަމީދާއި މިނިސްޓަރު އިމްރާން: އިމްރާން ވަނީ ހަމީދުގެ ހިދުމަތްތަކަށް ތައުރީފު ކުރައްވާފައި - ފޮޓޯ:މޯލްޑިވްސް ޕޮލިސް ސާވިސް

އިމްރާންގެ ތައުރީފު ސީޕީ ހަމީދަށް

މުހައްމަދު ނަބީލް

15 ނޮވެންބަރ 2023 - 16:21:29

މިއަދު ކޮމިޝަނާ އޮފް ޕޮލިސްގެ މަގާމުން ރިޓަޔާ ކުރެއްވި މުހައްމަދު ހަމީދު ކޮށްދެއްވާފައިވާ ހިދުމަތްތަކަށް ހޯމް މިނިސްޓަރު އިމްރާން އަބްދުﷲ ތައުރީފު ކުރައްވައިފި އެވެ.

އެ ރަސްމިއްޔާތު ޝަރަފުވެރިކޮށްދެއްވައި ވާހަކަދައްކަވަމުން ހޯމް މިނިސްޓަރު އިމްރާން އަބްދުﷲ ވިދާޅުވީ ކޮމިޝަނަރުގެ މި ދައުރުގައި ދުނިޔޭގެ ފުލުހުންގެ މުއައްސަސާތަކަށް ބަލާއިރު ހާއްސަކޮށް އިންޓަޕޯލް އިންޓެލިޖެންސް ބަލައިގަންނަ، ގަބޫލުކުރާ އަދި އިތުބާރުކުރާ ފެންވަރުގެ ހިދުމަތްތަކާއި ކުރެވުނު ބުރަ މަސައްކަތް ވަރަށް ގާތުން ފެނިފައިވާ ކަމަށެވެ. އަދި ބައި މިލިއަން ހަމަނުވާ މި ދިވެހި ގައުމުގެ ފުލުހުންގެ މި ފޯސް ލީޑުކުރަމުންގޮސް "ސެކަންޑް ޖެނަރޭޝަން" އަށް މީހުން ތައްޔާރުކުރެވުން އެއީ ވަރަށް ބުރަ، މިންނަތް އަދި ވަރަށް "ކޮމިޓެޑް" މަސައްކަތްތަކެއް ކަމަށް އިމްރާން ފާހަގަކުރެއްވި އެވެ.

ފުލުހުންގެ ޕޮލިސް އެކަޑަމީ ނުވަތަ ނެޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓް ހުޅުވި، ދިވެހި ފުލުހުންގެ އަމިއްލަވަންތަ މުއައްސަސާއެއްގެ ގޮތުގައި އެތަން ކަނޑައަޅައިދިނުމަކީ އަދުގެ ކޮމިޝަނަރު ކުރެއްވި ބުރަ މަސައްކަތެއް ކަމުގައި ވިދާޅުވެ އިމްރާން ވަނީ އެކަމުގެ އަގުވަޒަން ކުރައްވާފަ އެވެ.

މިނިސްޓަރު ވިދާޅުވެފައި ވަނީ މުއައްސަސާ މިއަދު އަޅައިދީފައިހުރި ބިންގާތަކުގެ މަތީގައި އެއްވެސް ކަހަލަ ފުށުއެރުމެއް، ގުޑުމެއްނެތި، ތެދުކޮށް ރަނގަޅަށް ބިނާ ކުރެވިއްޖެ ނަމަ ރައްޔިތުން އެދޭ ކަހަލަ ހިދުމަތަކަށް ކުރިއަށް އޮތް ތަނުގައި ފުލުހުންގެ ހިދުމަތް ވެގެންދާނެ ކަމަށެވެ.

އެ ރަސްމިއްޔާތުގައި، ކޮމިޝަނާ އޮފް ޕޮލިސްއަށް ޝަރަފުގެ ހަނދާނީ ފިލައަކާއި ރިޓަޔަމަންޓް ކާޑުގެ އިތުރުން ފުލުހުންގެ ދިދަ އަރުވާފައިވެ އެވެ. އަދި ކޮމިޝަނަރު ކޮށްދެއްވާފައިވާ އަގުހުރި ހިދުމަތްތަކުގެ މައްޗަށް އަލިއަޅުވާލައި ތައްޔާރުކޮށްފައިވާ ވީޑިއޯ ޕްރެޒެންޓޭޝަނެއްވެސް ވަނީ ދައްކާލާފަ އެވެ.

100%

ކަމުގޮސްފި

0%

އަޑުއެހިތާ މިހުރީ

0%

ސަތޭކައަކުން ސުމެއް

0%

ވަރަށް ސަލާމް