މާލެ ސިޓީ ކައުންސިލަރު ރަމީޒު އަދި ނަސީރު
ސަރުކާރާ ގުޅިވަޑައިގަންނަވަން މާލޭ ސިޓީ ކައުންސިލްގެ 2 މެމްބަރަކު އިސްތިއުފާ ދެއްވައިފި
ނަސްރުﷲ މުހައްމަދު ރަޝީދު
16 ނޮވެންބަރ 2023 - 22:36:02
ސަރުކާރާ ގުޅިވަޑައިގަންނަވާތީ މާލޭ ސިޓީ ކައުންސިލްގެ ދެ މެމްބަރަކު އިސްތިއުފާ ދެއްވައިފި އެވެ.
Advertisement
އިސްތިއުފާ ދެއްވައިފައިވަނީ އާދަމް ރަމީޒާއި އަބްދުﷲ ނަސީރު (ހެރިންސް އައްޅޯ) އެވެ. އެދެބޭފުޅުން ވެސް އިސްތިއުފާ ދެއްވާފައިވަނީ މިއަދު އެވެ.
ރަމީޒާއި ނަސީރު އަކީވެސް އިންތިހާބީ ރައީސް އާއި ވަރަށް އަރިސް ދެބޭފުޅުންނެވެ.
މުއިއްޒުއަށް ޕީޕީއެމް-ޕީއެންސީގެ ޓިކެޓް ހޯދުމަށް ކުރެވުނު މަސައްކަތްތަކުގެ ތެރޭގައިވެސް ރަމީޒު ވަނީ މުހިއްމު ރޯލެއް އަދާކުރައްވާފައެވެ.
އޭގެ އިތުރުން ރިޔާސީ ކެމްޕެއިންގަވެސް ދެބޭފުޅުން ވަނީ އިސް ރޯލެއް އަދާކުރައްވާފައެވެ.
މައުލޫމާތު ލިބޭ ގޮތުގައި މިދެބޭފުޅުން ވެސް އައްޔަނުކުރަން ހަމަޖެހިފައިވަނީ ރައީސް އޮފީހުގެ މިނިސްޓަރުގެ މަގާމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
