އިންތިހާބީ ރައީސް މުއިއްޒު: ހުވާ ކުރެއްވުމުގެ ޖަލްސާގެ ތައްޔާރީތައް ބައްލަވާލެއްވުމަށް އިންތިހާބީ ރައީސްގެ ހައިސިއްޔަތުން ޖުމްހޫރީ މައިދާނަށް ކުރެއްވި ޒިޔާރަތުގެ ތެރެއިން - ފޮޓޯ:ރައްޔިތުންގެ މަޖިލިސް
މުއިއްޒު، ރާއްޖޭގެ ރައީސް ކަމުގެ ގާނޫނީ ހުވާ މިއަދު ކުރައްވަނީ
މުހައްމަދު އަތީފް
17 ނޮވެންބަރ 2023 - 11:59:50
ޑރ. މުހައްމަދު މުއިއްޒު، ދިވެހިރާއްޖޭގެ ރައީސުލްޖުމްހޫރިއްޔާ ކަމުގެ ގާނޫނީ ހުވާ ކުރެއްވުމާއި އަލްއުސްތާޒު ހުސައިން މުހައްމަދު ލަތީފް، ދިވެހިރާއްޖޭގެ ރައީސުލްޖުމްހޫރިއްޔާގެ ނައިބު ކަމުގެ ގާނޫނީ ހުވާ ކުރެއްވުން މިއަދު ހަވީރު އޮންނާނެ ކަމަށް ރައީސް އޮފީހުން ބުނެފި އެވެ.
ރައީސް އޮފީހުން ބުނީ މުހައްމަދު މުއިއްޒާއި ހުސައިން މުހައްމަދު ލަތީފް، މަގާމުގެ ގާނޫނީ ހުވާ ކުރައްވާނީ މިކަމަށްޓަކައި މިއަދު ހަވީރު 4:45 ގައި ޖުމްހޫރީ މައިދާނުގައި ބާއްވަވާ ރައްޔިތުންގެ މަޖިލިހުގެ ޖަލްސާގައި ކަމަށެވެ.
މި ޖަލްސާގައި ރައީސުލްޖުމްހޫރިއްޔާ، ދިވެހިރާއްޖޭގެ ރައީސުލްޖުމްހޫރިއްޔާކަމުގެ ގާނޫނީ ހުވާ ކުރެއްވުމަށްފަހު ތަގުރީރު ކުރައްވާނެ ކަމަށް ވެސް ރައީސް އޮފީހުން ބުނެ އެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
