ހުސައިން މިއަދު ފޭސްބުކްގައި ކުރެއްވި ޕޯސްޓެއްގައި ވިދާޅުވީ 2014 ވަނަ އަހަރުގެ މެއި މަހުގެ 28 ވަނަ ދުވަހުން ފެށިގެން މިއަދާ ހަމައަށް ފާއިތުވި ދިގު މުއްދަތުގައި ފަރެސްމާތޮޑާ ދާއިރާގެ ރައްޔިތުންގެ ހާދިމެއްގެ ގޮތުގައި ހުރުމުގެ ހެޔޮ ތައުފީގު ދެއްވި ކަމަށް ޓަކައި މާތްﷲ ގެ ހަޒުރަތަށް ހަމްދާއި ޝުކުރު ދަންނަވާ ކަމަށެވެ.
ރައްޔިތުންގެ މަޖިލިހުގެ ފަރެސްމާތޮޑާ ދާއިރާގެ މެންބަރެއްގެ ގޮތުގައި ހުސައިން ފުރަތަމަ އިންތިހާބު ވެވަޑައިގެންފައި ވަނީ 2014 ވަނަ އަހަރެވެ. ފަސް އަހަރުގެ ދައުރެއް ފުރިހަމަ ކުރެއްވުމަށްފަހު 2019 ވަނަ އަހަރުގެ އިންތިހާބުގައި ވާދަކުރައްވާ އޭނާ ވަނީ ދެވަނަ ފަހަރަށް މަޖިލިހަށް އިންތިހާބުވެ ވަޑައިގެންފަ އެވެ.
ހުސައިންއަކީ ރާއްޖޭގެ ޖުމްހޫރީ ވެރިކަމުގެ ތާރީހުގައި ރައީސުލްޖުމްހޫރިއްޔާގެ ނައިބުކަމުގެ މަސްއޫލިއްޔަތުތަކާ ހަވާލުވެވަޑައިގަންނަވާނެ އެންމެ ޒުވާން އެއް ބޭފުޅާ އަށެވެ.
