އިންތިހާބީ ނައިބު ރައީސް ހުސައިން މުހައްމަދު ލަތީފު އެކްސްގައި މިއަދު ކުރެއްވި ޕޯސްޓެއްގައި ވަނީ މެއި 28، 2014 އިން މިއަދާ ހަމައަށް ރައްޔިތުންގެ މަޖިލީހުގެ މެންބަރެއްގެ ގޮތުގައި ރައްޔިތުން ދެއްވި ތާއީދަށް ޝުކުރު އަދާކުރައްވާފަ އެވެ.
މިއަދު ހަވީރު މުއިއްޒު ރައީސް ކަމުގެ ހުވާ ކުރައްވަން ހަމަޖެހިފައިވާ އިރު، އެމަނިކުފާނު ކެމްޕޭންގެ ތެރޭގައި ވެވަޑައިގެންނެވި ވައުދުތައް ފުއްދަވާނެ ކަމުގެ ޔަގީންކަން މީގެ ކުރިން މުއިއްޒުގެ މަންމާފުޅު ވެސް ވަނީ ދެއްވާފަ އެވެ.
މާލެ ސިޓީގެ މޭޔަރުކަމުން ޑރ. މުއިއްޒުވެސް މިއަދު ވަނީ އިސްތިއުފާ ދެއްވައިފަ އެވެ. އެގޮތުން އެކްސްގައި މުއިއްޒު މިއަދު ކުރެއްވި ޕޯސްޓެއްގައި ވަނީ މާލެ ސިޓީ ކައުންސިލްގެ ކައުންސިލަރުންނާއި ވެރިންނާއި މުވައްޒަފުން ދެއްވި އެއްބާރުލުމަށާއި ކުރި ބުރަ މަސައްކަތަށް ޝުކުރު އަދާކުރައްވާފަ އެވެ.
މުއިއްޒު އަދި ހުސެން މިއަދު އިސްތިއުފާ ދެއްވިއިރު, އެ ދެބޭފުޅުން ހުވާ ކުރެއްވުމުގެ ރަސްމިއްޔާތު މިއަދު ހަވީރު 4:45 ގައި ފަށާނެވެ.
