ޝަމްނާޒު އިސްތިއުފާގެ ސިޓީ ހުށަހަޅުއްވާފައިވަނީ މި މަހުގެ 16 ވަނަ ދުވަހު އެވެ.
މާލެ ސިޓީ ކައުންސިލް މެންބަރުންގެ ގޮތުގައި ތިއްބެވި އާދަމް ރަމީޒާއި އަބްދުﷲ ނާސިރު މެންބަރު ކަމުން އިސްތިއުފާ ދެއްވައިިފި އެވެ. އަދި މާލޭ މޭޔަރު ވެސް ވަނީ އިސްތިއުފާ ދެއްވައިފަ އެވެ.
ޑރ. މުހައްމަދު މުއިއްޒު، މާލޭގެ މޭޔަރުގެ މަގާމުން އިސްތިއުފާ ދެއްވީ ރާއްޖޭގެ ރައީސްގެ މަގާމާ ހަވާލުވެވަޑައިގަތުމަށްޓަކައި އެވެ.
ރައީސް މުއިއްޒު ރައީސް ކަމުގެ ހުވާ ކުރައްވާ މަގާމާއި ރަސްމީކޮށް ހުކުރު ދުވަހު ހަވާލުވުމަށް ފަހު، އެމަނިކުފާނުގެ ދެ އެކުވެރިން ކަމުގައިވާ ރަމީޒާއި ނަސީރު މިހާރު ވަނީ ރައީސް އޮފީހުގެ މިނިސްޓަރުކަމުގެ މަގާމަށް އައްޔަންކުރައްވައިފަ އެވެ.
ޝަމްނާޒް ވެސް ކައުންސިލަރުގެ މަގާމުން އިސްތިއުފާ ދެއްވީ ރައީސް މުއިއްޒުގެ ސަރުކާރުގެ ސިޔާސީ މަގާމަކަށް އެދި އެވެ. "ސީއެންއެމް" އަށް އެނގިފައިވާ ގޮތުގައި ޝަމްނާޒު އިސްތިއުފާ ދެއްވީ، މުލީއާގޭގެ ސްޓޭޓް މިނިސްޓަރުކަމުގެ މަގާމާ ހަވާލުވެލެއްވުމަށެވެ.
