ކެލާ ސްޕޯޓްސް އެކަޑަަމީއަކީ، ކެލާގެ ކުޑަ ކުދިންނަށް ފުޓްބޯޅަ ހުނަރުތައް ދަސްކޮށްދިނުމުގެ ރަށުގެ ޒުވާނުން އިސްނަގައިގެން އުފައްދައި ހިންގަމުން އަންނަ އެކަޑަމީއެކެވެ. 

މި އެކަޑަމީ މިއަދު ފެށިއިރު، މިހާރުވެސް ގާތްގަނޑަކަށް 100 ވަރަކަށް ކުދިންވަނީ ރަޖިސްޓްރީކޮށްފައެވެ. އިވެންޓް ލޯންޗް ކުރުމުގެ ޕްރޮގްރާމްގެ ތެރެއިން މިއަދުވެސް ބައެއް ކުދިން އަލަށް ރަޖިސްޓްރީ ކުރިއެވެ. 

ކެލާ ސްޕޯޓްސް އެކަޑަމީގެ ރައީސް މުހައްމަދު މާލިކް މިއަދު ވިދާޅުވީ، މި އެކަޑަމީގެ ސަބަބުން، ކެލާގައި ހުނަރުވެރި ޒުވާން ކުޅުންތެރިންތަކެއް އުފެދިގެން ދާނެ ކަމަށް އުއްމީދު ކުރައްވާ ކަމަށެވެ. 

މިއަދު ކެލާ ސްޕޯޓްސް އެކަޑަމީ ލޯންޗް ކުރުމަށް ފަހު އޮތް އިވެންޓްތަކުގައި ދަގަނޑޭވަނީ ކެލާގެ ކުޑަ ކުދިންނާއެކު މެޗުތަކެއް ކުޅެފައެވެ. މި އިވެންޓަށް ފަހު ކެލާގެ ވަރަށް ގިނަ ކުޑަ ކުދިންނާއި އެ ކުދިންގެ ބެލެނިވެރިންވަނީ ދަގަނޑޭއާއެކު ފޮޓޯ ނަގައި އުފާވެރި ވަގުތުތަކެއް ހޭދަކޮށްފައެވެ.