ނާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ އުޖާލާ ޒަމާނަކަށް ދިވެހި ރައްޔިތުންގެ ފުރިހަމަ ތާއީދާ އެކު ގައުމުގެ ވެރިކަމަށް އިންތިހާބު ވެވަޑައިގެން ހުންނެވި ރައީސް ޑރ. މުހައްމަދު މުއިއްޒުގެ ސަރުކާރާ އެކު އެމްއެންޕީގެ ހުރިހާ މެންބަރުންނާއި އޭނާ ސާބިތު ކަމާ އެކު ދެމިހުންނާނެ ކަމުގެ ޔަގީންކަން ދިވެހި ރައްޔިތުންނަށް ދޭ ކަމަށެވެ.
ނާޒިމް ވަނީ ރައީސް އަބްދުﷲ ޔާމީނުގެ ވެރިކަމުގައި ޑިފެންސް މިނިސްޓަރުކަމުގެ މަގާމު އަދާކުރައްވާފަ އެވެ. ޖުމްހޫރީ ޕާޓީގެ ޓިކެޓުގައި 19 ވަނަ ރައްޔިތުންގެ މަޖިލިހުގެ ދަނގެތި ދާއިރާއަށް ވާދަކުރައްވާ މެންބަރުކަމަށް ހޮވިވަޑައިގަތުމަށްފަހު ނާޒިމް ވަނީ އެ ޕާޓީ ދޫކުރައްވާ އެމްއެންޕީގެ ނަމުގައި ސިޔާސީ ޕާޓީއެއް އުފައްދަވާފަ އެވެ.
މި އަހަރުގެ ރިޔާސީ އިންތިހާބުގައި އެމްއެންޕީގެ ރިޔާސީ ކެންޑިޑޭޓުގެ ގޮތުގައި ވާދަކުރެއްވި ނާޒިމަށް ފުރަތަމަ ބުރުގައި ކުރިމަތިވެ ވަޑައިގެންނެވި ނާކާމިޔާބީ އާއެކު، ދެވަނަ ބުރުގައި ވާދަކުރެއްވި ޑރ. މުއިއްޒަށް ތާއީދު ކުރުމަށް އެ ޕާޓީން ނިންމި އެވެ.
