ޑިމޮކްރެޓްސްގެ ރައީސްކަމުގެ މަގާމަށް ކުރިމަތިލެއްވި ހަސަން ރޭގެ ވަގުތެެއްގައި އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ ވޯޓުފޮށިތަކުގެ ނަތީޖާ ޝީޓުތަކުން ދައްކަނީ ބޮޑު ތަފާތަކުން އިންތިހާބު ކާމިޔާބު ވެއްޖެކަން ކަމަށެވެ.
އެކަމާ ގުޅިގެން ހަސަން މިއަދު "ސީއެންއެމް" އަށް ވިދާޅުވީ އިންތިހާބުގެ ނަތީޖާ ޝީޓުތައް ދައްކާ ގޮތުން އޭނާއަށް އިންތިހާބުގައި ކާމިޔާބީ ލިބިވަޑައިގެންފައިވާ ކަމަށެވެ. އެހެންނަމަވެސް އިންތިހާބުގެ ރަސްމީ ނަތީޖާ އިއުލާނުކުރާނީ ޕާޓީގެ ފަރާތުން އެކަމަށް ކަނޑައެޅިފައިވާ ފަރާތުން ކަމަށް ހަސަން ވިދާޅުވި އެވެ.
އިންތިހާބުގެ ނަތީޖާ އިއުލާނު ކުރުމާ ގުޅޭގޮތުން ޑިމޮކްރެޓްސްގެ މީޑިއާ އޮފިޝަލް ރޭ ވިދާޅުވެފައި ވަނީ ވަގުތީ ނަތީޖާ މިއަދުގެ ވަގުތެއްގައި އިއުލާނުކުރައްވާނެ ކަމަށެވެ. އެކަމާ ގުޅިގެން ފަހުގެ މައުލޫމާތެއް ހޯދުމަށް މަސައްކަތް ކުރި ނަމަވެސް އެ ފަރާތުގެ ބަހެއް ލިބިފައެއް ނުވެ އެވެ.
