ޖެންޑާ މިނިސްޓްރީން މިވަނީ ގެވެށި އަނިޔާ ލިބޭ ފަރާތްތަކުން 3328393 އަށް ގުޅައި އެކަން ރިޕޯޓްކުރުމަށް އެދިފަ އެވެ. އަދި އެހެން މީހަކާއި މެދު ގެވެށި އަނިޔާގެ އަމަލެއް ހިންގޭ މަންޒަރު ފެންނަ ފަރާތަކުން ވެސް މި ނަމްބަރަށް ގުޅައި އެކަން ރިޕޯޓްކުރެވިދާނެ އެވެ. 

އޭގެ އިތުރުން ކުޑަ ކުއްޖަކާއި މެދު އަނިޔާގެ އެއްވެސް އަމަލެއް ހިންގޭނަމަ އެކަމަށް ހާއްސަ ކުރެވިފައިވާ، 1412 އަށް ގުޅައި އެކަން ރިޕޯޓްކުރުމަށް އިލްތިމާސްކުރެ އެވެ. 

މިދިޔަ މަހުގެ ތަފާސްހިސާބުތަކަށް ބަލާލާއިރު ވެސް އަނިޔާގެ މައްސަލަތައް މިނިސްޓްރީއަށް ހުށަހެޅޭ މިންވަރު އިތުރުކަން ފާހަގަކުރެވެ އެވެ. އެގޮތުން މިދިޔަ މަހުގެ ތެރޭގައި 243 މައްސަލައެއް ހުށަހަޅާފައިވާއިރު އޭގެ ތެރެއިން 121 މައްސަލައަކީ ކުޑަކުދިންނަށް ކުރާ އެކި ބާވަތުގެ އަނިޔާގެ މައްސަލަތަކެވެ. އަދި ގެވެށި އަނިޔާގެ 34 މައްސަލައެއް ވެސް ހުށަހަޅާފައިވެ އެވެ.