އިސްލާމީކަންތައްތަކާ ބެހޭ ވުޒާރާގެ ވަޒީރު ޑރ. މުޙައްމަދު ޝަހީމް އލީ ސަޢީދުގެ އިސްނެންގެވުމަކަށް އެ ވުޒާރާގައި ބޭއްވުނު ބައްދަލުވުމުގައި އޮއްޓަރު ހުރި ހެޔޮ މަޝްވަރާތަކެއް ދެ ވުޒާރާގެ މެދުގައި ކުރިއަށް ގެންދެވުނު ކަމަށް އެ ވުޒާރާއިން ބުންޏެވެ.
މި ބައްދަލުވުމުގައި އިސްލާމިކް މިނިސްޓަރާ މިނިސްޓަރ އޮފް ދިވެހި ލެންގުއޭޖް، ކަލްޗަރ އެންޑް ހެރިޓޭޖް އާދަމް ނަސީރު އިބްރާޙީމް ބައިވެރިވެވަޑައިގެންނެވިއެވެ. އަދި ދެ ވުޒާރާގެ އިސްވެރިންވެސް މި ބައްދަލުކުރެއްވުމުގައި ބައިވެރިވެވަޑައިގެންނެވިއެވެ.
އާ ސަރުކާރުންވަނީ ގައުމިއްޔަތު ދިރުވަން ހާއްސަ ސަމާލުކަމެއް ދެއްވާނެ ކަން ފާހަގަ ކުރައްވައި ރާއްޖޭގައި ދިވެހި ބަހަށާއި އިސްލާމްދީނަށާއި ސަގާފަތާއި އާދަކާދައަށް ދުވަހަކު ނުދޭވަރުގެ އިސްކަމެއް ދެއްވާނެ ކަމަށް ވިދާޅުވެފައެވެ. އަދި ރައީސް ޑރ. މުޢިއްޒު ވަނީ ދިވެހި ބަހާއި ތާރީޚާއި ސަގާފަތަށް ޚާއްސަ ވުޒާރާއެއް ފުރަތަމަ ފަހަރަށް އުފައްދަވައިފައެވެ.
