އެފްރިކާގެ އެންމެ މޮޅު ކުޅުންތެރިޔާގެ އެވޯޑަށް ވާދަކުރާ ތިން ކުޅުންތެރިންގެ ނަން، ކޮންފެޑެރޭޝަން އޮފް އެފްރިކަން ފުޓްބޯލްއިން މިހާރު އިއުލާންކޮށްފައިވާއިރު، އެ މަގާމަށް ހޮވޭ ކުޅުންތެރިޔާ ކަނޑައަޅާނީ ހޯމަ ދުވަހުއެވެ.
ޝޯޓް ލިސްޓްވެފައިވާ ކުޅުންތެރިންގެ ތެރެއިން ސަލާހްވަނީ 2017 ވަނަ އަހަރާއި 2018 ވަނަ އަހަރަށް ޖެހިޖެހިގެން އެވޯޑް ހޯދާފައެވެ. އެންމެ ފަހުން ސަލާހަށް ލިބުނީ ދެވަނައެވެ.
އެންމެ ފަހުން އެވޯޑް ހޯދާފައިވަނީ މިހާރު ސައުދީ އަރަބިއްޔާގެ އަލް ނަސްރަށް ކުޅޭ ސާޑިއޯ މާނޭއެވެ.
މި ފަހަރުގެ އެވޯޑަށް ސަލާހްއާ އެކު ވާދަކުރާ އަނެއް ދެ ކުޅުންތެރިންގެ ތެރެއިންޕެރިސް ސެއިންޓް ޖާމައިންގެ ޑިފެންޑަރު އަޝްރަފް ހަކީމީއަކީ ގަތަރުގައި 2022 ވަނަ އަހަރު އޮތް ވޯލްޑްކަޕް ފުޓްބޯޅަ މުބާރާތުގެ ސެމީ ފައިނަލަށް މޮރޮކޯ ގެންދިޔުމުގައި މުހިއްމު ދައުރެއް އަދާކުރި ކުޅުންތެރިއެކެވެ.
ދެން އެ މަގާމަށް ވާދަކުރާ ނައިޖީރިއާގެ ވިކްޓަރ އޮސީމެންއަކީ މިދިޔަ ސީޒަނުގައި އިޓަލީގެނަޕޯލީއަށް 33 އަހަރުގެ ތެރޭގައި ފުރަތަމަ ފަހަރަށް ލީގު ހޯދައިދިނުމުގައި މުހިއްމު ދައުރެއް އަދާކުރި ކުޅުންތެރިއެކެވެ. އޭނާވަނީ މިދިޔަ ސީޒަންގައި 26 ގޯލު ޖަހާފައެވެ.
