ރޮނާލްޑޯގެ މި އަހަރުގެ50 ވަނަ ލަނޑަކީ، ރޭ ސައުދީ ކިންގް ކަޕްގައި އަލް ޝަބާބް ކޮޅަށް ރޮނާލްޑޯ ޖެހި ލަނޑެވެ. މި މެޗުން ރޮނާލްޑޯގެ ޓީމު މޮޅުވީ ފަސް ލަނޑު ދެ ލަނޑުގެ ބޮޑު ތަފާތަކުންނެވެ. 

މި އަހަރުގެ 50 ވަނަ ލަނޑު ރޭ ޖެހިއިރު، މި ސީޒަންގައި ރޮނާލްޑޯ ޖެހި ލަނޑުގެ އަދަދަކީ މިހާރު 26 އެވެ. އޭގެ ތެރެއިން 16 ލަނޑަކީ ސައުދީ ޕްރޯލީގުގެ 15 މެޗުގައި ޖެހި ލަނޑެވެ. 

މި އަހަރު މިހާތަނަށް 50 ލަނޑު ޖަހާފައިވާއިރު، މީގެ ތިން ދުވަސް ކުރިން ރޮނާލްޑޯވަނީ އޭނާގެ ކެރިއަރުގެ ޕްރޮފެޝަނަލް 1200 ވަނަ މެޗު ކުޅެފައެވެ. އެ މެޗުގައިވެސް ރޮނާލްޑޯ ލަނޑެއް ޖެހިއެވެ.