އިޓަލީގެ ޗެމްޕިއަން ނަޕޯލީގެ ފޯވާޑު އޮސީމެން، އެފްރިކާގެ އެންމެ މޮޅު ކުޅުންތެރިޔާގެ އެވޯޑް ހޯދީ އިނގިރޭސި ޕްރމިއަރ ލީގު ތާވަލްގެ އެއްވަނާގައި މިވަގުތު އޮތް ލިވަޕޫލްގެ މިސްރު ފޯވާޑް މުހައްމަދު ސަލާހު އަދި ޕީއެސްޖީގެ މޮރޮކޯގެ އަޝްރަފް ހަކީމީއާ ވާދަކޮށެވެ.
ވިކްޓާ އޮސީމެން ، އެފްރިކާގެ މޮޅު ކުޅުންތެރިޔާގެ މަގާމު ހޯދުމާއެކު އޭނާ ވެގެންދާނީ 1999 ވަނަ އަހަރުގެ ފަހުން މި އެވޯޑް ހޯދި ނައިޖީރިޔާގެ ފުރަތަމަ ކުޅުންތެރިޔާއަށެވެ.
2022/2023 ވަނަ އަހަރުގެ ސީޒަންގައި ކުޅުނު 32 މެޗުން އޮސީމެން ވަނީ 26 ގޯލް ޖަހާފައެވެ. ނަޕޯލީން 33 އަހަރުގެ ތެރޭގައި ފުރަތަމަ ފަހަރަށް ލީގު ހޯދުމުގައި އޭނާގެ ދައުރު ބޮޑެވެ. އިޓަލީގެ ފުޓްބޯޅަ ފެޑެރޭޝަނުން ހޮވި އަހަރުގެ އެންމެ މޮޅު ކުޅުންތެރިއަކީވެސް އުމުރުން 24 އަހަރުގެ އޮސީމެންއެވެ. ބެލޮންޑިއޯ އެވޯޑްގެ ގަދަ ދިހައެއްގައި ހިމެނުނު ފުރަތަމަ ނައިޖީރިޔާ ކުޅުންތެރިއަކީ ވެސް އޮސީމެން އެވެ. އޭނާ ހިމެނުނީ އެލިސްޓްގެ އަށް ވަނައިގައެވެ.
