ރިޔާސީ އިންތިހާބުގައި ބައިވެރިވި އަށް ކެންޑިޑޭޓުންގެ މާލީ ބަޔާންތައް އިލެކްޝަންސް ކޮމިޝަން (އީސީ) އިން މިއަދު އާންމުކުރިއިރު އެންމެ ބޮޑު ހޭދައެއް އިންތިހާބަށް ކުރެއްވީ ޑރ. މުއިއްޒުގެ ކޭމްޕުންނެވެ. އެންމެ ކުޑަ ހޭދައެއް އިންތިހާބަށް ކުރެއްވީ އަމިއްލަ ގޮތުން ވާދަކުރެއްވި ކެންޑިޑޭޓް ހަސަން ޒަމީލެވެ.
ކެންޑިޑޭޓުންގެ މާލީ ރިޕޯޓްތައް:
- ޑރ. މުހައްމަދު މުއިއްޒު - 21،228،817 ރުފިޔާ
- ގާސިމް އިބްރާހިމް - 20،421،050 ރުފިޔާ
- މުހައްމަދު ނާޒިމް - 13،075،900 ރުފިޔާ
- އިބްރާހިމް މުހައްމަދު ސޯލިހު - 10,476,127 ރުފިޔާ
- އިލްޔާސް ލަބީބު - 2،518،508 ރުފިޔާ
- އަހުމަދު ފާރިސް މައުމޫން - 1،166،064 ރުފިޔާ
- އުމަރު ނަސީރު - 285،950 ރުފިޔާ
- ހަސަން ޒަމީލު - 16،259 ރުފިޔާ
މާލީ ބަޔާންތަކުން ފެންނަ ގޮތުގައި ދެ ބުރުގެ ކެމްޕެއިނަށް އަށް ކެންޑިޑޭޓުންގެ އަތުން ހަރަދުވި ކަމަށް ބުނާ ޖުމުލަ އަދަދަކީ 69،188،675 ރުފިޔާ އެވެ. ރިޔާސީ އިންތިހާބުގައި އެންމެ މަދުން ހަރަދު ކުރީ އަމިއްލަ ހައިސިއްޔަތުން ވާދަކުރެއްވި ހަސަން ޒަމީލެވެ. ބަޔާންތަކުން ފެންނަ ގޮތުގައި އޭނާ ޖުމުލަ ހަރަދު ކުރެއްވީ އެންމެ 16،259 ރުފިޔާ އެވެ.
މިދިޔަ ރިޔާސީ އިންތިހާބުގައި ވާދަކުރެއްވި ފަސް ކެންޑިޑޭޓެއްގެ މާލީ ބަޔާން ގާނޫނުގައި ބުނާ މިންގަނޑުތަކަށް ނުފެތޭތީވެ، އެ ކެންޑިޑޭޓުންނަށް ފިޔަވަޅު އެޅުމަށް އީސީން ވަނީ ނިންމާފަ އެވެ.
