މަޖިލީހުގެ މެޖޯރިޓީ ޕާޓީ އެމްޑީޕީން ބަޖެޓާ ގުޅޭ ގޮތުން ހުރި ހުށަހެޅުންތަކާ މެދު ގޮތެއް ނިންމުމަށް މިއަދު ބޭއްވި ޕީޖީ ބައްދަލުވުމާ ގުޅޭ ގޮތުން އެ ގްރޫޕުގެ ނައިބު ލީޑަރު ކެލާ ދާއިރާގެ މެންބަރު އިބްރާހިމް ޝަރީފް ވިދާޅުވީ ކޮމިޓީއިން ފާސްކޮށް އެ ފޮނުވާފައިވާ ގޮތަށް ބަޖެޓަށް ވޯޓް ދިނުމަށް ތްރީލައިން ވިޕެއް ނެރެން މިއަދުގެ ބައްދަލުވުމުގައި ފާސްކޮށްފައިވާ ކަމަށެވެ.
ގާނޫނުގައި ބުނާގޮތުން މިމަސް ނިމުގެ ކުރިން މަޖިލީހުން ބަޖެޓް ފާސްކުރަން ޖެހެއެވެ. ބަޖެޓަށް ވޯޓަށް އެހުން މިއަދު 1:30 އަށް ވަނީ ތާވަލްކޮށްފަ އެވެ.
އަންނަ އަހަރުގެ ދައުލަތުގެ ބަޖެޓުގެ ގޮތުގައި މަޖިލީހަށް ހުށަހަޅާފައި ވަނީ 49.5 ބިލިއަން ރުފިޔާގެ ބަޖެޓެކެވެ. އެ ބަޖެޓުގައި ޕަބްލިކް ސެކްޓާ އިންވެސްޓްމަންޓް ޕްރޮޖެކްޓު (ޕީއެސްއައިޕީ) ތަކަށް 8.6 ބިލިއަން ރުފިޔާ ހަރަދުކުރުމަށް ވަނީ ހިމަނައިފަ އެވެ.
