ރައީސް ޑރ. މުހައްމަދު މުއިއްޒު، ޝާހް އެ މަގާމަށް އައްޔަންކުރައްވާފައި ވަނީ ބުރާސްފަތި ދުވަހު އެވެ. ރައީސް އިބްރާހިމް މުހައްމަދު ސޯލިހުގެ އެޑްމިނިސްޓްރޭޝަނުގައި ޝާހް ހުންނެވީ ހެލްތު މިނިސްޓްރީގެ ސްޓޭޓް މިނިސްޓަރެއްގެ މަގާމުގަ އެވެ.
އޭނާ މަތީ ތައުލީމާއި އެމްބީބީއެސް ފުރިހަމަކުރެއްވީ ލަންޑަންގެ އިންޕީރިއަލް ކޮލެޖް އޮފް ސައިންސް، ޓެކްނޮލޮޖީ އެންޑް މެޑިސިންއިންނެވެ.
ރާއްޖެއަށް ވަޑައިގަތުމުގެ ކުރިން އިނގިރޭސިވިލާތުގެ ބައެއް ހޮސްޕިޓަލުތަކުގައި މަސައްކަތް ކުރެއްވި ޝާހުގެ ބައެއް ލިޔުންތައް މެޑިކަލް ޖާނަލްތަކުގައި ވަނީ ހިމަނާފަ އެވެ.
އިންގްލެންޑްގެ ޖެނަރަލް މެޑިކަލް ކައުންސިލްގެ ލައިސަންސް އޮންނަ ޝާހް ވަނީ މި އަހަރު ބޭއްވި ރިޔާސީ އިންތިހާބުގެ ކުރިން އޭނާ ހުންނެވި ސިޔާސީ މަގާމުން އިސްތިއުފާ ދެއްވާފަ އެވެ. އަދި އޭރު ހުންނެވި ޖުމްހޫރީ ޕާޓީން ވަކިވެވަޑައިގެން ދަ ޑިމޮކްރެޓްސް އާ ގުޅިވަޑައިގެންނެވި އެވެ.
