އެލިއާގެ ޖެނެރަލް މެނޭޖަރު އަހުމަދު ސައީދު ހަވާލުކޮށްދެއްވި މި އިންޖީނާ އެމްއެންޑީއެފްގެ ފަރާތުން ހަވާލުވެލެއްވީ ޗީފް އޮފް ޑިފެންސް ފޯސް، ލެފްޓިނެންޓް ޖެނެރަލް އަބްދުއްރަހީމް އަބްދުއްލަތީފެވެ.
އެމްއެންޑީއެފް އާއި އެލިއާގެ ގުޅުމަކީ މީގެ 49 އަހަރު ކުރިން ޔަމަހާ އައުޓްބޯޑް އިންޖީނު ރާއްޖެއަށް ތައާރަފު ކުރެވުނު ހިސާބުން ބަދަހިކަމާ އެކު ކުރިއަރަމުން އައިސްފައިވާ ގުޅުމެކެވެ. ވޭތުވެދިޔަ ދިގު މުއްދަތުގައި އެމްއެންޑީއެފްގެ ފްލީޓަށް ހިދުމަތް ފޯރުކޮށްދިނުމުގައި ދެމިތިބުމަކީ އެލިއާއަށް ލިބޭ ވަރަށް ބޮޑު ޝަރަފެއް ކަމަށާއި ގައުމަށް ކޮށްދެވޭ އަގުހުރި މަސައްކަތެއް ކަމަށް އެލިއާއިން ދެކެ އެވެ. މިގޮތުން މި އަހަރުގެ ޖުލައި މަހު އެމްއެންޑީއެފަށް ހަދިޔާ ކުރެވުނު 350 ހޯސްޕަވަރުގެ އިންޖީނަކީވެސް ރާއްޖޭގައި މި ވަގުތު ބޭނުން ކުރެވެމުންދާ ކޮމާޝަލް އިންޖީނުތަކުގެ ތެރެއިން ފާހަގަކޮށްލެވޭ މަތީ ހޯސްޕަވަރުގެ އިންޖީނެކެވެ.
އެލިއާއިން އެމްއެންޑީއެފަށް ޔަމަހާ 80 ހޯސްޕަވަރުގެ އިންޖީނެއް ހަދިޔާކުރުން
ރާއްޖޭގެ ޔަމަހާ ސޯލް ޑިސްޓްރިބިއުޓަ އެލިއާއިން ވިއްކާ އައުޓްބޯޑު އިންޖީނުތަކަކީ ރާއްޖޭގެ ކަނޑުތަކުގައި ތަހުލީލުކުރެވި، ރާއްޖޭގެ މާހައުލަށް އެކަށީގެންވާގޮތަށް ފަރުމާކުރެވިފައިވާ އިންޖީނުތަކެކެވެ. ޔަމަހާ އައުޓްބޯޑުގެ ޖެނުއިން ސްޕެއަ ޕާޓްސް މެދުކެނޑުމެއްނެތި އަބަދުވެސް އެލިއާއިން ލިބެން ހުރުމަކީ ކަސްޓަމަރުންގެ އިތުބާރު ޔަމަހާ އައުޓްބޯޑަށް ލިބިފައިވުމުގެ އެންމެ ބޮޑު އެއް ސަބަބެވެ. ކަސްޓަމަރުންނާއި ގާތުން ހިދުމަތްދިނުމުގެ ގޮތުން ޔަމަހާ ޕާޓްސްގެ ޑެލިވަރީ ވަނީ މި އަހަރު ފަށާފަ އެވެ.
މިހާރު ރާއްޖޭގައި ބޭނުން ކުރެވެމުންދާ އެންމެ މަތީ ހޯސްޕަވަރު ކަމުގައިވާ 425 ހޯސްޕަވަރާއި 375 ހޯސްޕަވަރަކީވެސް ޔަމަހާގެ އުފެއްދުމެކެވެ.
އެލިއާގެ އަމާޒަކީ ގައުމަށް މިފަދަ އަގުހުރި ހިދުމަތް ފޯރުކޮށްދިނުމުގައި ދެމި ތިބުމެވެ.
