ރައީސް ޑރ. މުއިއްޒު: ފަތިސް ނަމާދުގެ ޖަމާއަތް ހީނަރުވިޔަ ނުދެއްވުމަށް ވަނީ އިލްތިމާސްކުރައްވާފައި - ފޮޓޯ:ރައީސް އޮފީސް
ފަތިސް ނަމާދުގެ ޖަމާއަތް ހީނަރުވިޔަ ނުދެއްވުމަށް ރައީސް އިލްތިމާސްކުރައްވައިފި
މުހައްމަދު އަތީފް
17 ޑިސެމްބަރ 2023 - 13:08:04
ފަރުޟު ފަސް ނަމާދު އޭގެ ވަގުތުގައި ގާއިމުކުރުމަށް ނަސޭހަތްތެރިވެވަޑައިގެން ހާއްސަ ގޮތެއްގައި ފަތިސް ނަމާދުގެ ޖަމާއަތް ހީނަރުވިޔަ ނުދިނުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިލްތިމާސް ކުރައްވައިފި އެވެ.
ސޯޝަލް ސެންޓަރުގައި ބޭއްވެވި ހުރަވީ ދުވަހުގެ ރަސްމީ ޖަލްސާގައި ހޮނިހިރު ދުވަހުގެ ރޭ ވާހަކަފުޅު ދައްކަވަމުން ރައީސް ވިދާޅުވީ މި ސަރުކާރުން ބޭނުން ވަނީ އިސްލާމްދީނަށް ނަސްރުދީ އިސްލާމްދީނުގެ މާތް ސިފަތަކަށް ހުރިހާ ދިވެހީން އަހުލުވެރިވުން ކަމަށެވެ.
ނަމާދުގެ ޖަމާއަތް އޭގެ ފުރިހަމަ މާނައިގައި ބައިބޯވެއްޖެނަމަ ގައުމަށް ބާއްޖަވެރިކަމާއި އުފާވެރިކަން ލިބި ގައުމު އިތުރަށް ވަރުގަދަ ވެގެންދާނެ ކަމުގައި ރައީސް ވިދާޅުވި އެވެ.
"ފަތިސްނަމާދުގެ ޖަމާއަތް ހީނަރުވިޔަ ނުދެއްވާ! ފަތިސް ނަމާދުގެ ބަރަކާތުން ދުވަސް ފެށުމުގެ އުފާ ލިބިގަންނަ އާއިލާއަކަށް ދިވެހި ކޮންމެ އާއިލާއެއްވުމަކީ އަޅުގަނޑުގެ ހިތުގެ ދުއާއެއް،" - ރައީސް ޑރ. މުހައްމަދު މުއިއްޒު
ރައީސް މުއިއްޒުގެ ސަރުކާރުގެ ސިޔާސަތުތަކުގެ ތެރޭގައި އިސްލާމީ ނޫރާއި ދީނީ އަގީދާ ވަރުގަދަ ކުރުމަށް ހާއްސަ އިސްކަމެއް ދެއްވާފައިވެ އެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
