އެމްއޭސީއެލުން މިއަދު އެކްސްގައި ކުރި ޕޯސްޓެއްގައި ބުނީ މި ދުވަސްވަރަކީ ފަތުރުވެރިކަމުގެ އެންމެ ޕީކް ދުވަސްވަރަށް ވުމާ އެކު ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުވެފައިވާ ކަމަށެވެ.
ރާއްޖޭން ގިނަ އަދަދެއްގެ އުމްރާވެރިން މި ދުވަސްވަރު އުމްރާގެ އަޅުކަމަށް ފުރުމަށް ހަމަޖެހިފައިވުމާ އެކު، އެ ފަރާތްތައް ފުރާ ވަގުތުތަކުގައި ވީއައިއޭގެ ތޮއްޖެހުން ބޮޑުވާކަން އެމްއޭސީއެލުން ވަނީ ފާހަގަކޮށްފަ އެވެ.
އަދި މި ދުވަސްވަރަކީ މި އަހަރުގެ ސްކޫލުތަކުގެ ކިޔެވުން ނިމި، ޗުއްޓީއަށް އެތައް ބަޔަކު ފުރާ ދުވަސްވަރަށް ވާތީ ވީއައިއޭއަށް އިތުރަށް ބާރުބޮޑުވާތީ، އޮމާންކަމާ އެކު އޮޕަރޭޝަން ކުރިއަށް ގެންދިއުމަށް ފުރާ މީހުންނާ އެކު ވީހާވެސް މަދު ބަޔަކު އެއާޕޯޓަށް ދިއުމަށް އެމްއޭސީއެލުން ވަނީ އެދިފަ އެވެ.
ރާއްޖޭގައި އުމްރާއަށް މީހުން ފޮނުވާ އެތަކެއް ގްރޫޕެއް އޮންނައިރު، އެ ގްރޫޕްތަކުން ދަނީ ގިނަ އަދަދެއްގެ ބަޔަކު އުމްރާގެ އަޅުކަން ކުރަން ގެންދަމުންނެވެ.
