މުއިއްޒުގެ އަރިހުގައި އަބްދުއްރަހީމް: ވިދާޅުވީ ވައުދު ފުއްދެވުމުގައި މުއިއްޒު ދައްކަވަނީ ގާބިލުކަމާއި ހުޝިޔާރުކަން ކަމަށް - ފޮޓޯ:އަބްދުއްރަހީމް
"ވައުދު ފުއްދެވުމުގައި މުއިއްޒު ދައްކަވަނީ ގާބިލުކަމާއި ހުޝިޔާރުކަން"
މުހައްމަދު އަތީފް
18 ޑިސެމްބަރ 2023 - 19:42:25
ވައުދު ފުއްދެވުމުގައި ރައީސް ޑރ. މުހައްމަދު މުއިއްޒު ދައްކަވަނީ ތެދުވެރިކަމާއި އިހްލާސްތެރިކަމާއި ގާބިލުކަމާ އަދި ހުޝިޔާރުކަން ކަމަށް ވިދާޅުވެ ސްޕެޝަލް އެޑްވައިޒަ ޓު ދަ ޕްރެޒިޑެންޓް އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ ރައީސް މުއިއްޒަށް ތައުރީފުކުރައްވައިފި އެވެ.
ރަސްމާލެ ހިއްކުމުގެ ރަސްމިއްޔާތާ ގުޅިގެން މިއަދު އެކްސްގައި އަބްދުއްރަހީމް ކުރެއްވި ޕޯސްޓެއްގައި ވިދާޅުވީ މިއަދު ރައީސް މުއިއްޒު ފައްޓަވައިދެއްވި މަޝްރޫއަކީ މިހާތަނަށް ދިވެހީންގެ ރާއްޖޭގައި ހިންގާ އެންމެ ބޮޑު ބިން ހިއްކުމުގެ މަޝްރޫއު ކަމަށެވެ.
މި މަޝްރޫއު ނިމިގެންދާއިރު ދިވެހީންގެ ރާއްޖޭން ފެނިގެން ދާނީ އަމާން، ރައްކާތެރި، ހިތްފަސޭހަ ހުރިހާ ގޮތަކުން ފައްކާވެފައިވާ ފުރިހަމަ ރަސްމާލެއެއްގެ ގޮތުގައި ކަމަށް އޭނާ ވިދާޅުވި އެވެ.
ވައުދު ފުއްދެވުމުގައި ތިޔަ ދައްކަވަނީ ތެދުވެރިކަމާ އިހްލާސްތެރިކަން. ގާބިލްކަމާ ހުޝިޔާރުކަން. ފަސް އެނބުރި ބެލުމެއްނެތި ދިވެހީން ދާނީ މަނިކުފާނާ އެކު ކުރިއަށް،" - އަބްދުއްރަހީމް އަބްދުﷲ
އަބްދުއްރަހީމް ވަނީ ރައީސް މުއިއްޒުގެ އެޑްމިނިސްޓްރޭޝަނުގައި ގިނަގުނަ ކާމިޔާބީ ލިބުމަށް އެދިވަޑައިގަންނަވާކަން ހާމަކުރައްވާފަ އެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
