މިރޭ ކުރިއަށްދިޔަ ނޫސްވެރިންގެ ބައްދަލުވުމުގައި އިހުސާން ވިދާޅުވީ، ގާނޫނުގައި ބުނާ އަދަދަށް ބަންގްލަދޭޝަން މީހުން މިވަގުތު ރާއްޖޭގައި މަސައްކަތް ކުރަމުން ނުދާ ކަމަށެވެެ.

އިހުސާނު ވިދާޅުވީ ރާއްޖޭގައި މިވަގުތު ތިބީ ބަންގްލަދޭޝްގެ، 90،624 މަސައްކަތްތެރިންކަމަށެވެ. 

އެ މައުލޫމާތު އެއްކޮށްފައިވަނީ އިމިގްރޭޝަންގެ ބޯޑަރު ކޮންޓްރޯލް ސިސްޓަމްގެ ތެރެއިންކަމަށްވެސް އޭނާ ވިދާޅުވިއެވެ.

ކަމާބެހޭ އިދާރާތަކުން ނެރޭ ތަފާސްހިސާބުތަކާއި މައުލޫމާތުގައި ހިމަނާފައިހުންނަނީ، މަސައްކަތްތެރިންގެ ގޮތުގައި ރެޖިސްޓަރކޮށް ރާއްޖެއަށް މީހުން އެތެރެވާ މީހުންގެ އަދަދުތައް ކަމަށް އޭނާ ވިދާޅުވި އެވެ.

 ރާއްޖެއަށް އުސޫލުގެ ތެރެއިން މީހުން އެތެރެ ކުރިނަމަވެސް، ވަރަށް ގިނަ މީހުންނަކީ ގަވައިދުން ފުރިހަމަކުރަންޖެހޭ ކަންކަން ފުރިހަމަނުކުރާ މީހުންކަމަށާ، އަދި ބިދޭސީން ރާއްޖެ ދޫކޮށް ދިއުމުންވެސް އެމީހުން ރާއްޖެ ގެންނަ މީހުން، އެ މަޢުލޫމާތު ރެޖިސްޓާ ކުރަން ހުށަނާޅާކަމަށް މިނިސްޓަރު ވިދާޅުވިއެވެ.

އިހުސާން ވިދާޅުވީ، ބިދޭސީއެއް ރާއްޖެއިން ވަޒީފާ ދޫކޮށް ފުރައިގެން ދިޔަނަމަވެސް އޭނާގެ މައުލޫމާތު އަޕްޑޭޓްނުކުރާހާ ހިނދަކު އެކްސްޕެޓް ސިސްޓަމުން ދައްކާނީ އެއީ ރާއްޖޭގައި ވަޒީފާ އަދާކުރުމަށް ރެޖިސްޓަރު ކޮށްފައިވާމީހެއްގެ ގޮތުގައިކަމަށެވެ.

 ބިދޭސީންގެ ކަންކަން ގަވައިދުން ބަލަހައްޓަނީ ގާތްގަނޑަކަށް އިންސައްތަ މީހުންކަމަށްވެސް އިހުސާން ވިދާޅުވެއެެވެ.