ރައްޔިތުން މިޖިލީހުގެ ގަލޮޅު ދެކުނު ދާއިރާގެ މަޖިލިސް މެންބަރު މީކާއިލް ނަސީމް ކޮށްފައިވާ ޓްވީޓެއްގައި ބުނެފައިވަނީ، މަޖިލިސް މެންބަރުން ހިމެނޭ ގޮތަށް ދައުލަތުގެ އިސްވެރިންގެ މުސާރަ ބޮޑުކުރަން ވޯޓު ނުދޭނެ ކަމަށެވެ.
މީކާއިލް މިހެން ވިދާޅުވެފައި ވަނީ ރައްޔިތުން މަޖިލީހުގެ މާލިއްޔަތު ކޮމިޓީން ބޮޑު ތިން ޕާޓީއެއްގެ ވޯޓުން އިއްޔެ މިކަން ފާސްކޮށްފައި ވަނިކޮށެވެ.
އެއީ އެމްޑީޕީ، ޕީއެންސީ އަދި ދަ ޑިމޮކްރެޓްސް އެވެ.
މި ކަމަށް ތާއިދުކޮށް ވޯޓު ދެއްވާފައިވާ މެންބަރުންނަކީ:
އެމްޑީޕީ
- ދާންދޫ ދާއިރާގެ ޔައުގޫބު އަބްދުﷲ
- ހަނިމާދޫ ދާއިރާގެ އަބްދުލްގަފޫރު މޫސާ
- ދިއްދޫ ދާއިރާގެ އަބްދުﷲ ވަހީދު
- ކުޅުދުއްފުށި އުތުރު ދާއިރާގެ ޔާސިރު އަބްދުއް ލަތީފް
- މަތިވެރި ދާއިރާގެ ހަސަން ޒަރީރު
- ފުވައްމުލަކު ދެކުނު ދާއިރާގެ މުހައްމަދު މުމްތާޒު
- ފުވައްމުލަކު މެދު ދާއިރާގެ ހުސައިން މުހައްމަދު ދީދީ
ދަ ޑިމޮކްރެޓްސް
- ވިލިފުށި ދާއިރާގެ ހަސަން އަފީފު
ޕީއެންސީ
- ފޮނަދޫ ދާއިރާގެ މޫސާ އަފީފު
އިއްޔެ ބޮޑުކުރަން ނިންމި މުސާރަތައް:
މަޖިލިސް މެންބަރުންގެ މުސާރަ، އެލަވަންސާ އެކު 82،500 ރުފިޔާއިން 100،000 ރުފިޔާއަށް
- ރައީސުލްޖުމްހޫރިއްޔާގެ މުސާރަ 100،000 ރުފިޔާއިން 120،000 ރުފިޔާއަށް ބޮޑުކުރުން
- ނައިބު ރައީސްގެ މުސާރަ 75،000 ރުފިޔާއިން 93،000 ރުފިޔާއަށް ބޮޑުކުރުން
- ވަޒީރުންގެ މުސާރަ 66،000 ރުފިޔާއިން 74،000 ރުފިޔާއަށް ބޮޑުކުރުން
މީގެ އިތުރުން ވެސް ގަވަރުނަރު، އޮޑިޓާ ޖެނެރަލް، އަދި ޕްރޮސެކިއުޓާ ޖެނެރަލްގެ މުސާރަ ވެސް 74،000 ރުފިޔާއަށް ބޮޑުކުރަން ވަނީ ނިންމައިފައެވެ.
ސިޔާސީ ބޭބޭފުޅުންގެ މުސާރަތައް ބޮޑުކުރަން ނިންމުމާ އެކު އާންމުން އަންނަނީ ވަރަށް ބޮޑަށް ނުރުހުން ފާޅުކުރަމުންނެވެ.
