އަންނަ ޖެނުއަރީ މަހުގެ 18 ވަނަ ދުވަހު ބޭއްވުމަށް ހަމަ ޖެހިފައިވާ އަޑު އެހުން ފެބްރުއަރީ މަހަށް ލަސްކޮށްފައިވަނީ ޕޮގްބާގެ އެދުމުގެ މަތިން އޭނާގެ ޑިފެންސަށް އިތުރަށް ތައްޔާރުވާން އޭނާގެ ވަކީލުން ބޭނުން ވެގެންނެވެ. ރިޕޯޓްތައް ބުނާ ގޮތުން، މިހާރު ކަނޑައަޅާފައިވާ ތާރީހަށްވުރެ މަހެއްހާ ދުވަސް އަޑު އެހުން ލަސްކުރާނެއެވެ.
ޑޯޕިން ޓެސްޓްތަކުން ދެވަނަ ފަހަރަށް ފެއިލްވެ، ފްރާންސްގެ ޕައުލް ޕޮގްބާ ކެރިއަރު ނިމިދާނެ ފަދަ ސަސްޕެންނަކާ ކުރިމަތިލާން ޖެހިދާނެ ކަމުގެ ބިރު އޮތީ ހީވެފައެވެ. މަނާ ބޭހަކަށް ޕޮޒިޓިވްވެފައިވާތީ، ބޮޑުހަތަރު އަހަރުގެ ސަސްޕެންޝަނެއް ޕޮގްބާއަށް އައުމަކީ އެކަށީގެންވާ ކަމެއް ކަމަށް ރިޕޯޓްތައް ބުނެއެވެ.
ސެރީއާގައި ޔުވެންޓަސް އާއި އުޑިނޭޒީ ކުޅުނު މެޗަށް ފަހު 2023 ވަނަ އަހަރުގެ އޮގަސްޓް މަހު ޑޯޕިން ޓެސްޓުން ފެއިލްވި ކުރީގެ މެންޗެސްޓާ ޔުނައިޓެޑް މިޑްފީލްޑަރު ހަތަރު އަހަރަށް ކުޅުން މަނާކުރުމަށް އެފްއައިޖީސީގެ ޕްރޮސެކިއުޓަރުންވަނީ އެދިފައެވެ.
