ފެނަކައިން ބުނެފައި ވަނީ ދޮންފަނު އިންޖީނުގޭގައި ހިންގަމުން ދިޔަ ޖެނެރޭޓަރުތަކަށް ދިމާވި މައްސަލައަށް ވަގުތީ ހައްލެއް ގެނެވި، ހަވީރު 5:45 ގައި މުޅި ރަށަށް ކަރަންޓު ދީފައިވާ ކަމަށެވެ.
ދޮންފަނަށް ކަރަންޓުގެ ހިދުމަތްދެމުން އަންނަ ފެނަކައިން ބުނީ އެ ކުންފުނީގެ އިންޖީނުގޭގައި ހިންގަމުން ދިޔަ ޖެނެރޭޓަރުތަކަށް ދިމާވި މައްސަލައަކާ ގުޅިގެން މުޅި ރަށުން މިއަދު ހަވީރު ކަރަންޓުގެ ހިދުމަތް މެދުކެނޑުނު ކަމަށެވެ.
ޖެނެރޭޓަރުތަކަށް ދިމާވި މައްސަލަ ހައްލުކުރުމުގެ މަސައްކަތްތަކުގެ ތެރެއިން ޖެންސެޓްތައް މަރާމާތު ކުރުމަށް ބޭނުންވާ ސްޕެއާ އާއެކު ޓެކްނިކަލް ޓީމެއް އެ ރަށުގައި ހަރަކާތްތެރިވެ، ދިމާވި މައްސަލައަށް ވަގުތީ ހައްލެއް ގެނެވިފައިވާ ކަމަށް ފެނަކައިން ބުނެ އެވެ.
ފެނަކައިން ބުނި ގޮތުގައި ދޮންފަނަށް އިތުރު ޖެންސެޓެއް ހޯދުމުގެ މަސައްކަތް އެ ކުންފުނިން ކުރަމުން އަންނަ ކަމުގަ އެވެ.
