އިޓާލިއަން ލީގުގެ އެންމެ ފަހުގެ ޗެމްޕިއަން ނަޕޯލީ އާއެކު އޮސީމެން ސޮއި ކޮށްފައިވާ އެއްބަސްވުމުގެ މުއްދަތު ހަމަވާން އޮތީ 2025 ވަނަ އަހަރުގެ ޖޫން މަހުގެ ނިޔަލަށެވެ. ކުރިއަށް އޮތް ޓްރާންސްފާ މާކެޓުގައި އޭނާ ކުލަބު ބަދަލު ކުރަން އުޅޭ ކަމުގެ އަޑުތަކެއް ފެތުރިފައިވަނިކޮށް، 2026 ވަނަ އަހަރުގެ ނިޔަލަށް ކޮންޓްރެކްޓް އާކޮށްފައެވެ.
އޮސީމެންގެ ކޮންޓްކްޓް އާކުރިއިރު، އޭނާއަށްވަނީ އެހެން ބައެއް ކްލަބުތަކުން ބޮޑެތި ހުށަހެޅުންތައް ލިބިފައެވެ. އޮސީމެން އަށް އޮތީ ސައުދީ ޕްރޯ ލީގުގެ ކުލަބުތަކުގެ އިތުރުން އިނގިރޭސި ޕްރިމިއާ ލީގުގެ ބައެއް ކުލަބުތަކުންވެސް ހުށަހެޅުން ލިބިފައެވެ.
އުމުރުން 24 އަހަރުގެ ކުޅުންތެރިޔާ، ލީލް ދޫކޮށް ނަޕޯލީ އަށް ބަދަލުވީ 2020 ވަނަ އަހަރު އެވެ. އޭގެ ފަހުން އޭނާ ވަނީ މިހާތަނަށް އެ ކުލަބަށް ކުޅެދިން 119 މެޗުން 67 ލަނޑު ޖަހައިފަ އެވެ. އޭނާ ވަނީ ނަޕޯލީ އާއެކު މިދިޔަ ސީޒަންގެ އިޓާލިއަން ލީގު ކާމިޔާބު ކޮށްފަ އެވެ.
